Umurambo wa Padiri Ubald Rugirangoga wageze mu Rwanda mu ijoro ryacyeye warumaze igihe uri muri leta zunze ubumwe z’Amerika. Aho yapfiriye tariki 7 Mutarama 2021.

Padiri Ubald Rugirangoga umwe mu bazwi cyane mu Rwanda mu masengesho yo gusabira abarwayi ndetse n’ibikorwa  by’isanamitima. Muri rusange imiryango irenga 300 yakize ibikomere iriyunga binyuze muri iyo gahunda y’isanamitima,ibintu byanatumye agirwa umurinzi w’igihango

kuwa Gatandatu tariki 27 Gashyantare 2021, ni bwo umurambo wa Padiri Ubald wagejejwe ku Kibuga cy’Indege cya Kigali i Kanombe. Aho yarategerejwe n’umushumba wa Diyosezi ya Gikongoro, Musenyeri Hakizimana Célestin, hamwe n’abamwe mu bapadiri bo muri Diyosezi ya Cyangugu n’abavandimwe be baje kwakira umurambo wa Padiri Ubald Rugirangoga.

Umushumba wa Diyosezi ya Gikongoro na Musenyeri Hakizimana Célesti baje kwakira umurambo wa Padiri Ubald Rugirangoga

 ku wa Mbere tariki 1 Werurwe, hazaba misa yo gusezera kuri nyakwigendera muri Paruwasi Regina Pacis i Remera nyuma umurambo we ukazahitwa ujyanwa i Rusizi ahari Centre Ibanga ry’Amahoro ari naho azashyingurwa ku wa 2 Werurwe 2021.

Rugirangoga, w’imyaka 65, Yagizwe umupadiri mu 1984 ubwo yari afite imyaka 29 y’amavuko. wari umaze imyaka 36 ari umupadiri, yakunzwe n’abatari bake kubera inyigisho ze uko yasengeraga abantu bagakira indwara.

Padiri Ubald yitabye Rurema yari amaze imyaka 11 muri Paruwasi ya Mushaka aho yatangirije urugendo rw’isanamitima binyuze mu gusaba imbabazi no kuzitanga no kuvugisha ukuri mu komora ibikomere bituruka kuri jenoside yakorewe abatutsi.

Kuva muri Werurwe umwaka ushize,Padiri Ubald yari mu butumwa muri Leta zunze Ubumwe za Amerika, ariko mu  kwezi k’Ugushyingo,nibwo byamenyekana ko arwaye Covid 19 aza no kuyikira icyakora isiga imuhungabanyije mu myanya y’ubuhumekero. Inkuru ko yitabye Imana yamenyekanye mu gitondo cyo ku wa kane tariki ya 7 Mutarama kwa 2021, aguye aho muri Leta zunze ubumwe za Amerika.

Amafoto: igihe.com

Related post

Leave a Reply

Your email address will not be published. Required fields are marked *