Ababikira bakomeje kwinjiza akayabo buri mwaka kubera guhinga urumogi

 Ababikira bakomeje kwinjiza akayabo buri mwaka kubera guhinga urumogi

Inkuru y’ababikira, bagaragaye bacaruza ku mugaragaro urumogi rubujijwe henshi mu bihugu ku isi,yavuzwe cyane ku mbuga nkoranyambaga.

Itsinda ry’ababikira rizwi nka sisters of the valley, ryishimira guhinga urumogi muri Calfornia kuko rukorwamo imiti irengera abarwayi.

Muri documentaire yakozwe, itsinda ry’aba babikira ryatangaje ko bahujwe n’ubucuruzi bw’urumogi, byemewe muri Leta ya Calfornia kuva mu 1996.

Aba babikira ngo buri mwaka binjiza asaga miliyoni y’amadolari mu gucuruza uru rumogi baba bihingiye rugakoreshwa mu gukora imiti.

Umwe muri abo babikira yagize ati: “Turi itsinda ry’abagore babana, dukorana kandi dusengera hamwe. Duhinga urumogi. Turi abavugizi b’igihingwa cy’urumogi.”

Aba babikira, badafitanye isano na Kiliziya Gatolika, basobanuye ko bagurisha iki gicuruzwa ku isi yose kandi bakoresha amafaranga yavuyemo kugira ngo bateze imbere ibikorwa byabo byo kuvuganira iki gihingwa cyamaganwa na guverinoma nyinshi ku isi.

Umwe yagize ati”Urumogi mu byukuri rwadukoreye byinshi, kuri buri mubikira ku giti cye kandi rwaraduhuje twese. Twari dusanzwe turi abagore bajugunywe. Isi ntiyatwitayeho.

Yongeyeho ati: “Buri wese muri twe ntiyari afite aho aba mu bihe byashize. Twagize ibihe bikomeye. Twese twahamagawe n’iki gihingwa kuko cyakijije buri wese muri twe cyangwa abantu tuzi”.

Iri tsinda ryashinzwe bwa mbere mu 2015 n’umwe mu bayoboke baryo uzwi ku izina rya Kate wahaze ubuzima bwe bw’ubucuruzi n’umugabo we kubera ko batahuzaga.

Nk’uko Ladbible ibitangaza ngo Madamu Kate Meeusen yamenye ko umugabo we yamucaga inyuma kandi amwiba. Yahise ahunga hamwe n’abana be atangira guhinga urumogi rufite ubushobozi bwo kuvura kanseri.

Yagize ati”Ntabwo dukunda amategeko y’abagabo b’abazungu. Abahinzi bagorwa cyane no kwemera ibitekerezo bishya. Abantu bagumye mu bitekerezo byabo byo mu myaka ya za 1950 by’uko igihingwa cy’urumogi gikoreshwa gusa mu gukora imiti.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *