Abanyarwanda 4 bahungiye i Burundi batinya urukingo ngo ni urw’Anti-Kristo

 Abanyarwanda 4 bahungiye i Burundi batinya urukingo ngo ni urw’Anti-Kristo

Umugabo umwe n’abagore batatu bitwaje Bibiliya bahungiye mu gihugu cy’aturanyi cy’i Burundi, mu gace ka Nyakarama , Komini Bugabira, mu Ntara ya Kirundo bavuga ko impamvu itumye bahunga ari uko badashaka kuhabwa urukingo rwa COVID 19 ngo kuko imyemerere yabo ihamya ko ari urw’Anti-Kristo.

Radio na Televiziyo Isanganiro dukesha iyi nkuru ivuga ko aba banyarwanda bahungiye muri iki gihugu mu ijoro ryo Ku wa 20 Ukuboza 2021, saa tatu z’ijoro bambutse uruzi rw’Akanyaru.

Umuyobozi wa Komini ya Bugabira, Twizerimana Éric, yatangaje ko yagerageje kumvisha aba Banyarwnda ngo basubire mu Rwanda ariko bakanga, ahubwo bagahitamo kujya barara ku biro bya Nyakarama.

Icyakora Twizerimana yavuze ko iki kibazo cyageze kuri guverineri w’Intara ya Kirundo, Albert Hatangimana kandi ko yavuganye na mugenzi we uyobora Intara y’Amajyepfo mu Rwanda, Kayitesi Alice ngo barebe uko aba Banyarwanda basubizwa mu Rwanda.

Inama y’abaminisitiri y’u Rwanda iherutse gusohora amabwiriza yo kwirinda COVID 19, aho mu Mujyi wa Kigali ndetse no mu mijyi yunganira Kigali umuntu wese utarakingiwe byuzuye atemerewe kujya mu makoraniro harimo mu rusengero, mu isoko, mu tubari, resitora, imodoka rusange ndetse n’ahandi.

Related post

Leave a Reply

Your email address will not be published. Required fields are marked *