Abasore bane bavukana bibumbiye hamwe mu Itsinda ryiswe Four Brothers Worshippers,bashyize hanze indirimbo yabo ya mbere

 Abasore bane bavukana bibumbiye hamwe mu Itsinda ryiswe Four Brothers Worshippers,bashyize hanze indirimbo yabo ya mbere

Uko bwije n’uko bukeye u Rwanda rukomeje gutera imbere mumuziki ,haba mugice cya Secular ndetse na Gospel.Muriyi minsi mugisata cya gospel y’u Rwanda Hamaze iminsi hagenda havuka amatsinda,agaragiwe by’umwihariko nama couples aririmba,abavandimwe n’abandi batandukanye bafitanye amasano ya bugufi. aha twavuga nk’urugero Famille Pappy Clever na Dorcas,Famille Ben na Chance,Vestine na Dorcas n’abandi

Ubu noneho Kuri iyi nshuro twungutse izindi mpano nshya z’abasore bane bavukana bibumbiye hamwe mu itsinda ryiswe Four Brothers,aho bagiye kujya bakora umuziki wa gikristo bari kumwe mu bihangano bitandukanye byo kuramya Imana no kuyihimbaza,aba basore akaba ari abahungu b’umu Pastor wamenyekanye cyane mu itorero rya ADEPR Rev Nzabonimpa Canisius,Ukunda kugaragara nawe ataramira abantu mubiterane bitandukanye aba yatumiwemo.

Itsinda rishya rya Four Brothers abavandimwe biyemeje gukorera Imana

Iki gitekerezo aba basore bashyize hanze bari baragiye babisabwa n’abantu benshi batandukanye kuburyo hitezwe umusaruro udasanzwe kuba aba bajene babashije gukora itsinda rihuriye kumurimo umwe wo kuramya no guhimbaza Imana.

Itsinda rya Four Brothers riyobowe n’umuramyi BIKEM,Uyu musore akaba ari umucuranzi wakunze kugaragara mu bitaramo bitandukanye afasha amakorali,abahanzi n’andi matsinda atandukanye,akaba kandi nawe yari umuhanzi ku giti cye.

Bikem umuyobozi ya Four Brothers Worshippers

Mukiganiro twagiranye na BIKEM twifuje kumenya niba azajya akorera mu iri tsinda akanakomeza umuziki wo ku giti cye,Bikem yadusubije ko bibaye byiza izina rye baba baryirengagije,arasaba abantu kujya bamubona mu ishusho ya Four Brothers Worshippers,Bikem yavuze ko nta hantu azongera gutumirwa ngo agende wenyine kuko ubu yamaze kwinjira mu itsinda,yakomeje avuga ko adakeneye kwitwa umuhanzi ku giti cye.

Itsinda rya Four Brothers rigizwe na BIKEM,ISAIE,SIMEON NDETSE NA ISRAEL Ku mwanya w’ijwi rya soprano hari Bikem na Isaie,Tenor Hari Simeon kuri Alto hari Israel

Israel uzajya uririmbba Alto

Aba bavandimwe batangaje ko intego yabo nyamukuru ari ukwigisha abantu ko gukorera hamwe bizana umusaruro mwinshi kandi vuba,kuruta kuba nyamwigendaho,bati turifuza kwamamaza ikimenyetso cya Plus,kuko twamaze gusobanukirwa ko buri muntu wese ku isi akeneye undi.

Simeon azajya aririmba Tenor

Logic yacu iravuga ngo twaremewe Imana,Siyo yaturemewe ari nayo mpamvu dushaka gushyira imbaraga mu gukora icyo twaremewe aricyo cy’iki,kuko kubaho umuntu akora inzozi z’abandi bingana no gutsindwa.

Isaie azajya aririmba soprano

Itsinda rya Four Brothers rizajya rikorera ibikorwa byabo mu nsengero zitandukanye,tukaba duhaye rugari aba Pastors n’abandi kudukingurira imiryango y’insengero bashumbye ngo dutangire dukore impamvu zo kubaho kwacu,tuributsa kandi ko buri mugoroba tuzajya dutambutsa worship sessions kuri youtube channel yacu ya Nyigisha TV. Tukaba dukangurira abifuza kuzajya badukurikira gusura iyo shene bagakora Subscribe ,bakiyandikisha kugirango batazigera bacikwa n’ibihe byiza tuzaba dufite.

Kanda Hano urebe indirimbo nshya ya Four Brothers Worshippers.

Related post

1 Comment

  • Much respect courage kbx

Leave a Reply

Your email address will not be published. Required fields are marked *