Abayisilamu barasoza igisibo gitagatifu cya Ramadhan kuwa kane

 Abayisilamu barasoza igisibo gitagatifu cya Ramadhan kuwa kane

umuryango w’Abayisilamu mu Rwanda (RMC) watangaje ko guhera kuri uyu wa Kane tariki 13 Gicurasi 2021, Abayisilamu hirya no hino ku Isi barimo n’abo mu Rwanda hazaba umunsi mukuru wo gusoza igisibo gitagatifu cya Ramadhan.

Igisibo cya Ramadhan ni ukwezi gutagatifu ku bayisilamu aho bahurira mu masengesho, bakiyiriza, bagasangira amafunguro ku mugoroba ariko nako bakora ibikorwa by’urukundo ku bantu batandukanye.

Mu gisibo kandi, abayilisamu bariyiza kuva izuba rirashe kugeza rirenze. Bicisha bugufi bakihana ibyaha, bakegera kandi bakiyunga na Allah.

Mu itangazo ririho umukono wa Mufti w’ u Rwanda Sheikh Salim Hitimana rivuga ko “Abayisilamu bose n’abanyarwanda muri rusange ko umunsi mukuru usoza igisibo gitagatifu cy’ukwezi kwa Ramadhan uteganijwe kuwa kane tariki ya 13 Gicurasi 2021”.

Mu gisibo cya Ramadhan abayoboke ba Islam bongera amasengesho bakegera Imana kurushaho bakabikora bigomwa bimwe mu byo bakunda. Aba Islam bizera ko igisibo cya Ramadhan ari itegeko Imana yahaye abayemera ibicishije ku ntumwa ya yo Muhamadi.

Abayisalamu bagiye gutangira igisibo mu gihe u Rwanda n’Isi bahanganye n’icyorezo cya Covid-19, aho hari amabwiriza agomba kubahirizwa mu rwego rwo kwirinda ikwirakwira ry’iki cyorezo gikomeje kwica ibihumbi by’abantu ku Isi.

Related post

Leave a Reply

Your email address will not be published.