ADEPR: Umushumba mukuru Pasiteri Ndayizeye Isaie yatangirije amasengesho y’iminsi itatu muri paruwasi Nyamata: menya impamvu yabyo

 ADEPR: Umushumba mukuru Pasiteri Ndayizeye Isaie yatangirije amasengesho y’iminsi itatu muri paruwasi Nyamata: menya impamvu yabyo

Muri paruwasi ya ADEPR Nyamata niho hatangirijwe amasengesho y’iminsi itatu n’umushumba mukuru w’itorero rya ADEPR mu Rwanda. ku rwego rw’igihugu hari kubera amateraniro aho abakristo n’abashyitsi batandukanye bayitabira , basenga kandi bareba uko ivugabutumwa rihagaze n’uko ryakomeza kwagurwa muri aka gace.

Muri aya masengesho bari kurebera hamwe ibikorwa byakozwe ndetse n’ibgomba gukorwa kugira ngo ivugabutumwa rikomeze kwiyongera uko bikwiye. Muri aya masengesho kandi bari kurebera hamwe uko amatorero azakomeza gukora hazirikanwa kubahiriza amabwiriza yo kwirinda COVID-19 ndetse n’asigaye atarafungura uko yafungurwa yujuje ibisabwa.

Psiteri wa ADEPR Nyamata yakomeje agaragariza abashyitsi umushumba mukuru n’umushumba w’urembo rwa Ngoma uko umurimo w’Imana uzakomeza hanyuma ivugabutumwa rikarenga gukorerwa mu matorero rikagera mu Bitaro bya Nyamata ndetse no mu bigo by’amashuri bitandukanye mu karere ka Bugesera bireberwa n’itorero rya ADEPR Nyamata. Aha, bagarutse ku bikorwa bakoze aho bubakiye umuturage utishoboye inzu yo kubamo ndetse bakaba bari no kubakira undi mu bikorwa abafatanya na Leta.

Muri aya masengesho kandi bagarutse ku bikorwa bateganya gukora mu rwego rwo kwagura ivugabutumwa; barashaka kwagura no gukora ubusitani kuri paruwasi ya ADEPR Nyamata, kubaka inzu y’ubucuruzi ifite farumasi izaba iri imbere y’ibitaro kuko nta farumasi  yigenga ibitaro bigira  ihari, hari ukubaka chapelle mu bitaro ikazajya ifasha abakozi b’ibitaro gusenga, hari no kuvugurura urusengero rwa Kayenzi kuko arirwo rusengero rukuru rwubatswe n’abanyasuwede b’abamisiyoneri. Ikindi ni uko ngo aha Kayenzi hafite amateka atandukanye haba mu myizerere ndetse no ku gihugu muri rusange.

Aha ADEPR paruwasiNyamta hafite amateka kuva na kera dore ko ngo abashumba baturukaga imihanda yose mu gihugu ariho bateraniraga kandi bakahakura imbaraga z’umwuka zibafasha gusohoza ivugabitumwa mu matorero yabo igihe babaga batashye.

Related post

Leave a Reply

Your email address will not be published.