Adrien Misigaro yakoze amateka atazibagirana mu Rwanda

 Adrien Misigaro yakoze amateka atazibagirana mu Rwanda

Abakunzi b’umuziki wo kuramya no guhimbaza Imana bagiriye ibihe bitazibagirana mu Intare Conference Arena, mu gitaramo Umuramyi w’Umunyarwanda ukorera umuziki muri Leta Zunze Ubumwe za Amerika, Adrien Misigaro, yahurijemo abarimo Israel Mbonyi.

Iki gitaramo cy’amateka cyateguwe na Adrien Misigaro akagiha izina rya Each One Reach One Live Concert, cyabaye mu ijoro ryo ku Cyumweru tariki 3 Nyakanga 2022.

Abandi bahanzi baririmbyemo barimo Serge Iyamuremye, James & Daniella na Papi Claver & Dorcas. Abitabiriye iki gitaramo bagitangiye batambira Imana, barinda basoza ubona bakinyotewe.

Ni igitaramo cyagombaga kuba muri Werurwe 2020, kiza gusubikwa kubera icyorezo cya Covid-19. Ni cyo cya mbere cyasubitswe ubwo iki cyorezo cyageraga mu Rwanda ku nshuro ya mbere.

Adrien Misigaro wari kumwe na Gentil Misigaro, baje gufata icyemezo cyo kugikora hifashishijwe ikoranabuhanga ariko baza kugisubukura mu ijoro ryo kuri iki Cyumweru.

Ni igitaramo cyaranzwe n’ubwitabire buhambaye, cyane ko mbere y’umunsi umwe ngo kibe abagiteguye batangaje ko amatike y’ahasanzwe yari hashize.

Niko byagenze n’aho igitaramo cyabereye, kuko ahagana saa kumi n’imwe z’umugoroba, ab’inkwakuzi bari batangiye kugera ku Intare Conference Arena.

Saa 6:00, Yvan Ngenzi na Precious bageze ku rubyiniro bari kumwe n’itsinda ry’abacuranzi ryabafashaga, basubiramo indirimbo zitandukanye. Abitabiriye igitaramo bahagurukaga bagafatanya nabo kubyinira Uwiteka no kumuzamurira amashimwe.

Baje guha ikaze Agasaro Tracy na we abanza gufasha abitabiriye bari bamaze kugera muri Intare Conference Arena ari benshi.

Mu minota igera kuri 20 yamaze ku rubyiniro, Agasaro na we yaririmbye indirimbo zitandukanye, akanyuzamo akaganira n’abitabiriye abibutsa ko Yesu ari muzima kandi agikora ibitangaza.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.