AFLEWO 2022 LIVE: KURIKIRA UMUGOROBA W’AMASAHA 7 WO KURAMYA NO GUHIMBAZA IMANA

 AFLEWO 2022 LIVE: KURIKIRA UMUGOROBA W’AMASAHA 7 WO KURAMYA NO GUHIMBAZA IMANA

Africa Lets Worship (AFLEWO) ni igikorwa kimaze kumenyakana kumwihariko wo guhuza abaramyi batandukanye baturutse mu madini n’amatorero atandukanye bose bahujwe n’umutima wo kuramya no guhimbaza Imana.

Kubera icyorezo  isi yose yahuye nacyo, ibi bihe byaherukaga muri 2019  kuko ibindi byagiye biba nyuma yicyo gihe byose ntibyabashije kuba imbonankubone kuko imiryango y’insengero yari itarafungurwa.

Iki gitiramo cyafunguwe ku mugaragaro kikaba kiri bube amasaha 7. Muri iki gitaramo kandi hitezwe ko abahanzi n’abaramyi batandukanye bose bari buhurire ku ruhimbi bayobora iteraniro ryose mu mwanya wo kuramya no guhimbaza Imana. Bamwe muri abo bahanzi bategerejwe nkuko byatangajwe n’ubuyobozi bwa Aflewo, harimo Israel Mbonyi na Aime Uwimana ndetse n’ abandi batarondowe mu itangazo ryashyizwe hanze muri kino cyumweru.

Ahagana saa 6h00 itsinda ryabahuriye muri Aflewo (Worship Team) nibwo bageze ku ruhimbi batangira kuyobora iteraniro ryose mu mwanya wo kuramya no guhimba Imana. Ni umwanya mwiza buri wese abonye wo kwegerana n’Imana ndetse no kubwira Imana ikimuri ku mutima ntakindi kimurogoye.

Ahagana saa 8:05 nibwo iri tsinda ryaririmbye indirimbo ya James na Daniella, NARAKIJIJWE, indirimbo yahinduye ibihe kurushaho kuba byiza. Ni indirimbo irimo amagambo ahamya cyane anashima impano y’agakiza umukristo wese yakishimira kwatura

Saa 20:28, humvikanye amashyi n’impundu z’ibyishimo ubwo iteraniro ryakiraga umuhanzi Aime Uwimana. Yatagije umwanya yari ahawe wo kuramya atagangira aririmbana n’iteraniro indirimbo izwi nka “Yahweh”, irimo amagambo agira ati:

 “byo ukora biratangaje, Ubuntu bwawe ntibusanzwe, urizerwa mwami mubyo uvuga”

“Warwanye intambara nyinshi Yesu, nta nkuru nigeze numva ko watsinzwe, Yahweh Yahweh uri Yahweh.”

“Yahwehe uri Yahweh ugira neza”

Uyu muhanzi yakomeje aririmba indirimbo zitandukanye zagiye zifasha imtima ya benshi Nka ‘Urakwiriye Gushimwa’

Aime Uwimana yafatanyije n’iteraniro ryose kuramya Imana

Saa 21:04 nibwo uyu muhanzi yavuye kuruhimbi ahava imitima ihembuwe. Hakurikiyeho umuyobozi wa Aflewo, Yves, ari nawe wari umuyobozi wa Gahunda asaba iteraniro ryose gukomera amashyi menshi Imana ishobora byose, Yahweh.

Byageze aho kwiyumanganya biramunanira kubera umunezero mwinshi, azamura indirimbo ya Ben na Chance ‘Yesu Arakora”, iteraniro ryose rihagurukira hamwe riramufasha. Ntabyantinze gato kuko akiri muri uwo mwanya umuramyi Tracy yahise amusanga imbere baririmbana iyi ndirimbo bihinduka ibihe byumunezero hari ahagana saa 21:07

Bigeze saa 21:17 uyu musore ukundwa na benshi kubw’ukuntu aririmbana umutima wo kuramya, yunzemo indirimbo ya Geraldine agira ati “Uri Imana yo kwizerwa uriho uzahoraho, nta gacu ko guhinduka kakugaragarho, uko wahozeho kera nuyu munsi niko uri.”

Yagize ati “Niyo nasarara, uyu mwanya niyemeje kuririmbira Imana”, akomeza abwira iteraniro ati “Ntimurambirwe, nibwo dutangire”

Ahagana saa 21:21, yakiriye umushumba, Pst Tom Gakumba.  Yatangiye umwanya ashima Worship team n’iteraniro ryose akomeza asoma ijambo ry’Imana muri Yohan 10:10.

‘Mu mwanya muto yarafite, Pst Tom yasangije iteraniro ryose inkuru y’ubuzima bwe. Avuga uko kera akiri muto yakomerekejwe n’abavandimwe be bamuserereza, bamubwira bati “Wavutse mu gihe cy’intambara, duhunga, bagutoragura nk’ikibwana k’imbwa. Atangiye kumenya ubwenge byinjira muriwe, umubiri we wose urabyakira. Akomeza kwiyumva no gukura akomeretse afite n’uburakari bwinshi. Abubu bavuga ko yari yaranutse.

Abo bavukana bose babaga batirabura nkawe nabyo birushaho kumwemeza ko bya bindi bamvugagaho aribyo. Nta muntu waruzi inseko yanjye, ntawarunzi mvuga.  Nkura naratandukanye n’umunezero.

Igihe nari ntangiye kuba umusore w’imyaka nka 16 cg 17 nibwo nakiriye Kristo bambwira ko atana amahoro ndetse n’ibyishimo ariko nkahorana amatsiko y’uburyo uyu mugabo atanga amahoro. Ku munsi wo kubatinzwa nibwo inseko yaje ku mutima wanjye. Umunsi bankuye mu mazi, nuzuye umwuka wera, ndaseka, ndaseka barinda bose bagenda bansiga aho na protocole bari bansigiye ngo andebe.

Umunsi natangiye kunezerwa nibwo natangiye kubona ishusho mu bavandimwe ntangira kwiyumvamo ko tuvukana.  Uwo mwaka n’ubundi, Satani ntiyagiye kure kuko yagabye ibindi bitero ndetse bikomeye.

Mu mwaka nakirijwemo, ndi mu ishuri nibwo bagenzi be bamwumvishije uburyo agomba kubaho ariko afite umukobwa w’inshuti ye.

Naje kwandikira urwandiko rutazigera rumva ku mutima umukobwa wa mbere nari mbengutse mu buzima bwanjye, namwandikiye urwandiko rugira ruti “To the lover of my life”. Rimwe mu magambo namubwiye nuko “Nzamukunda kugeza ikiyaga cya Victoria gikamye” n’andi amagambo aryohereye nuko nkoresha igishoboka cyose ngo urwo rwandiko rugere kuwo nari narwandikiye.

Ntibyaje kumpira kuko rwa rwandiko rwaje kugera mu maso y’abayobozi baza kunsaba kubisomera abanyeshuri bose, birancanga mbura uko mbigenza, ndeba urwandiko nanjye rurandeba.

Uko nasomaga rwa rwandiko, wa munezero wagiye uyoyoka nakira igisebo gikomeye mu buzima bwanjye.

Ijambo nkufite uyu munsi “Satani arashaka umunezero wawe, witonde”.

Ntibyagarukiye aho kuko n’ubundi naje guhura n’ikindi gikundi kinshora mu kunywa itabi. Mu gihe nari ndimo kunywa itabi mu kagoroba, umwe mu bakristo twasenganaga yaraje ansanga aho, arandeba ndamureba, mbura aho nshyira rya sigara.  Naje kurishyira mu mufuka ariko riza kuntwika, nigira inyuma gato ariko mbura uburyo narijugunya kuko nari nagashyize mu mufuka w’ipantalo.

Icyambabaje cyane na none nuko uwo munezero na none satani yawunyaze icyo gihe kuko inkuru yamenyekanye ko Tom asigaye anyway itabi.

Ntibyaje kurangirira aho kuko naje kongera gusubira mu murusengero Imana ikongera kumbera umunezero kugeza uyu munsi.

Umunezero w’uwiteka ni ingabo y’ubugingo bwawe. Satani nadafata umunezero wawe ntabwo azafata ubugingo bwawe. Saba Imana yuzuze umutima wawe umunezero.

Ahagana saa 22:55 nibwo umuyobozi wa Gahunda yakiriye umuhanzi ukundwa na benshi Israel Mbonyi. Uyu muhanzi yatangiriye ku ndirimbo ye yakunzwe na benshi kandi nubu ikiba ku mitima yabatari bake, Mfite Impamvu, niyo ndirimbo yazamuye iteraniro ryose rifatanya nawe kuyiririmba.

Ku isaha 23:01 yavuze uburyo anezerewe no kuba harabonetse andi mahirwe yo gutarama. Nibwo yahitaga akurikizaho indirimbo ye yise ‘Karame’, indirimbo yishimiwe na benshi.

Saa 23:05 nibwo uyu muhanzi yakurikijeho indirimbo ye ikunzwe na benshi ‘BAHO’, iteraniro ryose ririshima rifatanya nawe guhanika amajwi baririmba iki gihangano.

Hadaciyemo umwanya munini, saa 23:0, Israel Mbonyi, yakurikijeho indirimbo ye yitiriye Album iheruka ‘Icyambu’. Iteraniro ryose ryahagurukiye rimwe riterura riririmba rigira riti “Yesu ni inkoni yanjye ngenderaho”

Ni indirimbo yamaze yamaze iminota myinshi na nyuma yuko uyu muhanzi ava ku ruhimbi. Umuramyi Kalisa Keneth niwe wamwakiriye akomerezaho mu bihe byiza byo kuramya ari nako yungikanya n’izindi ndirimbo zikunzwe n’abatari bake nka “Urarinzwe ya Prosper Nkomezi”, “Ndatuje” ya True Promises ndetse n’izindi. Ni ibihe byakomeje bigera mu masaha ashyira saa sita z’ijoro ari nayo masaha iki gitaramo cyari gitegerejwe gusozwaho.

Iki gitaramo cyasojwe n’umwanya w’amasengesho yasengeraga igihugu cy’u Rwanda, hasengerwa iterambere, ububyutse ndetse n’ibindi byiza byose Imana yagirira igihugu cy’ u Rwanda

AMAFOTO YARANZE IGITARAMO CYA AFLEWO 2022

Related post

Leave a Reply

Your email address will not be published. Required fields are marked *