Air Force yategetswe kwishyura miliyari 230Frw urusengero rwa Texas

 Air Force yategetswe kwishyura miliyari 230Frw urusengero rwa Texas

Urukiko rw’ikirenga rwategetse guverinoma ya Amerika kwishyura miliyoni 230 z’amadorari ya Amerika,ugenekereje akaba ari miliyari 230 z’amafranga y’u Rwanda, kubacitse ku icumu mu mwaka wa 2017 ubwo mu rusengero rwa Texas habaye ukuraswa abantu benshi bakahasiga ubuzima.

Umushinjacyaha witwa Xavier Rodriguez, yategetse ko guverinoma ifitiye umwenda abasaga 80 ndetse ikaba igomba kubishyura miliyoni 230$, nyuma yo kwanzura ko Air Force yari ifite inshingano zo guhagarika umusirikari wayo Kelly wagiye kurasa mu rusengero ngo kuko bari bazi ko afite ikibazo cyo mu mutwe.

Byari ku italiki 5 Ugushyingo 2017 ubwo uwahoze ari umusirikari wa Air Force Devin Patrick Kelley yinjiye mu rusengero rwitwa ‘First Baptist Church’ ruherereye muri Sutherland, agatangira kurasa abantu akicamo 26, harimo n’umukobwa wa pasitori. Uyu mushinjacyaha yagize ati:

“Ibihombo ndetse n’uburibwe iyi miryango yagize ntibigira akagero.”

Nubwo abantu benshi bavuga ko uyu musirikari yaba yarabikoze agamije kwica abakristu ariko ikinyamakuru Christian Post dukesha iyi nkuru kivuga ko yari agamije gutsembaho abana be ndetse n’umugore we basengeraga muri urwo rusengero.

Related post

Leave a Reply

Your email address will not be published. Required fields are marked *