Alarm Ministries yagarukanye imbaraga mu ndirimbo yabo nshya bise “Ijambo rye rirarema”

 Alarm Ministries yagarukanye imbaraga mu ndirimbo yabo nshya bise “Ijambo rye rirarema”

Itsinda rikunzwe cyane mu Rwanda no hanze yarwo mu kuramya Imana , Alarm Ministries ryasohoye indirimbo y’amashusho ryise “Ijambo rye rirarema” ni ndirimbo isingira Imana ivuga ko ihambaye.

Alarm Ministries ifatwa nk’umubyeyi w’amatsinda atandukanye ya hano mu Rwanda na cyane ko amenshi muri yo yayatanze kubona izuba, imaze imyaka irenga 21  mu murimo w’ivugabutumwa mu ndirimbo zo kuramya no guhimbaza Imana.

 Alarm Ministries ubwo yakoreraga igitaramo gikomeye  muri Kigali Arena niho iyi ndirimbo ya mbere basohoye yafatiwe. Si iyi  ndirimbo gusa yahafatiwe kuko hafatiwe ni zindi ndirimbo zigera muri zirindwi, zizasohoka mu minsi ya vuba.

Alarm Ministries irahamya ko bagarukanye imbagara nyinshi

Umuyobozi ushinzwe imiririmbire, Serugo Ben, yabwiye NKUNDAGOSPEL ko muri gahunda nyinshi bari bafite bagiye bakomwa mu nkokora na Covid-19 ariko ubu bagarukanye imbaraga nyinshi.

Yagize ati “ twagiye dukomwa mu nkokora na Covid-19 twari twarateguye ibikorwa byinshi ariko ntibyakunda ariko ubu twasohoye indirimbo nshya yitwa “Ijambo rye rirarema” ni ndirimbo ivuga ko Imana yacu ihambaye iyo abantu biringira Imana badahungabanywa n’imiraba.”

Yakomeje avuga ko bafiye indirimbo nyinshi bari gukora kandi bashobora kuzazihuriza muri alubumu imwe.

Yagize ati “ ubu  tumaze gukora indirimbo zigera kuri zirindwi iyi niyo  isohotse bwa mbere ariko mu gihe kitarambiranye abakunzi bacu baratangira kubona izindi ndirimbo zacu. Alarm Ministries irahari irimo gukora ndetse twahagurukanye imbaraga nyinshi turateganya kongera gukorera ibitaramo bitandukanye muri Kigali Arena.”

Yongeye kwibutsa abanyarwanda ndetse n’inshuti z’u Rwanda bakunda Imana bakomere muri bihe bitoshye kandi bakomeze begere Imana. Turifuza ko iyi ndirimbo yakomeze kubaka abantu bose bazayireba  ndetse abantu bakayisangiza n’abandi.

Alarm Minisries ni itsinda rimaze imyaka irenga 21 mu muziki usingiza Imana, rikaba ryaramamaye mu ndirimbo zitandukanye zirimo; ‘Hariho impamvu’, ‘Songa mbele’, ‘Asiye badirika’, ‘Mungu ni Yule Yule’, ‘Turavuga ishimwe ryawe’, ‘Hashimwe’, n’izindi. Mu mpera za 2019, iri tsinda ryakoze ibirori bikomeye byo kwizihiza Yubile y’imyaka 20.

AMAFOTO: Inyarwanda.com

REBA HANO INDIRIMBO NSHYA YA ALARM MINISTRIES

Related post

1 Comment

  • Iyi ndirimbo irakoretse rwose Imana ibahe umugisha utagabanije Ijambo ry’Iyaduhanze rirarema ndafashijwe rwose

Leave a Reply

Your email address will not be published. Required fields are marked *