Alexis Dusabe ni umwe mu bahanzi bazitabira igiterane cy’urubyiruko cyateguwe na ADEPR Kacyiru International service

 Alexis Dusabe ni umwe mu bahanzi bazitabira igiterane cy’urubyiruko cyateguwe na ADEPR Kacyiru International service

Guhera kuwa mbere tariki ya 7 Werurwe 2022 kuri ADEPR Kacyiru International Service hatangiye icyumweru cy’ibikorwa by’ivugabutumwa cyahariwe urubyiruko .Ni igiterane kandi kizarangwa n’ibikorwa byinshi birimo ivugabutumwa ryo gusanga abantu aho bari,ibikorwa byo gusenga,impuguro z’urubyiruko ndetse n’igitaramo cyo kuramya no guhimbaza Imana.

Muri ibi bikorwa hazaba harimo abakozi b’Imana batandukanye barimo Evangelist Annet uyobora uyu mudugudu,Pastor Claude Rudasingwa ushinzwe ivugabutumwa muri ADEPR ndetse n’abahanzi b’indirimbo zo kuramya no guhimbaza Imana barimo Alexis Dusabe ndetse na Gisele Precious Nsabimana.

Igitaramo giteganijwe kuba kuri iki cyumweru tariki ya 13 Werurwe 2022 guhera saa cyenda z’umugoroba. Ubuyobozi bw’umudugudu wa ADEPR Kacyiru International Service buvuga ko bwateguye iki giterane mu rwego rwo kwegera urubyiruko aho ruri birushijeho ndetse no kurushaho kuruzana kuri Kristu.

Insanganyamatsiko y’iki giterane iragira iti:’’Ukubaho ubuzima bw’urubyiruko rufite intego’’. Ubu buyobozi kandi buvuga ko ibiterane nk’ibi bizakomeza ndetse ko buzakomeza kubyagura.Buboneraho kandi gutumira buri muntu wese muri icyo gitaramo gisoza iki giterane kuri iki cyumweru kugira ngo rwige inyigisho zirugenewe ari nako rutaramana n’abahanzi bakunzwe.

Gisele Precious
Evangelist Annet

Related post

Leave a Reply

Your email address will not be published.