Aline Gahongayire agiye gufatanya na Catholic All Stars gusubiramo indirimbo za kiliziya gatolika

 Aline Gahongayire agiye gufatanya na Catholic All Stars gusubiramo indirimbo za kiliziya gatolika

Ruhangwamboni mu baramyi nyarwanda ndetse no hanze y’imbibi z’u Rwanda, Aline Gahongayire agiye gufasha itsinda rya Catholic All Stars gusubiramo indirimbo ebyiri za kiliziya gatolika, mu buryo bugezweho.

Mu kiganiro cyihariye yagiranye na Nkunda Gospel, abazwa niba abakeka ko abarizwa mu idini ry’abarokore badashobora kwibaza impamvu yakoranye n’abahanzi bo muri kiliziya gatolika, yasubije ko idini abarizwamo rimwemerera kuririmbana n’abavuga Imana bose. Yagize ati:

“Sindi umwangilikani, umupentekoti, uwo muri Zion tample ndetse n’ahandi, ahubwo idini yanjye ni urukundo.” Yakomeje agira ati:

“Niteguye gukorana n’abahanzi bose bavuga Imana kuko yatubwiye ngo tugende mu mahanga yose tubwirize ubutumwa bwiza. Gukorana n’abantu batandukanye byagura umurimo w’Imana.”

Rwanda Catholic all stars ni itsinda ry’abaririmbyi b’indobanure baturuka mu makorali atandukanye yo muri gatolika bafite intego yo gutanga umuganda wabo mu iterambere ry’umuziki gatolika , bawuhuza n’igihe tugezemo(Modernization , nouvelle evangelization).

Iri tsinda ryatangijwe na Iyakaremye Emmanuel, umenyerewe mu gutunganya umuziki gatulika nka Emmy Pro, ryatangiye mu mwaka wa 2020.

Nubwo iri tsinda rimaze gukora ibikorwa bikomeye mu kuzamura umuziki nyarwanda mu nguni zose ariko bahamya ko bagifite imbogamizi z’ubushobozi bafite budahagije. Umuyobozi w’iritsinda Iyakaremye Emmanuel yabwiye Nkunda Gospel ati:

“Turacyiyubaka , ntiturabona ubushobozi buhagije bw’amafaranga, ngo tubashe gukora amaproject menshi uko tubishaka. Gusa abakunzi bacu bashonje bahishiwe
kuko turi kubategurira ibintu byinshi kandi byiza ariko tuzagenda tubavunguriraho gake gake.”

Emmy Pro watangije Catholic All Stars

Usibye kuba bagiye gukorana indirimbo na Aline Gahongayire bakoranye kandi n’umuhanzi Mani Martin, dore ko basubiyemo indirimbo yitwa ‘Niyeguriye Nyagasani.”

Kanda hano urebe iyo ndirimbo

Related post

Leave a Reply

Your email address will not be published. Required fields are marked *