Ukuri k’ubukwe bwa Serge Iyamuremye bwatangajwe na Aline Gahongayire

 Ukuri k’ubukwe bwa Serge Iyamuremye bwatangajwe na Aline Gahongayire

Ubwo umuramyi Serge Iyamuremye yari kumwe na Theo Bosebabireba mu kiganiro kuri shene ya YouTube yitwa ‘Iyobokamana’, Aline Gahongayire yatunguranye mu kiganiro avuga k’ubukwe bwa Serge Iyamuremye avuga ko bwabaye mu ibanga kandi ko bwitabiriwe n’abantu batoranyijwe.

Aline Gahongayire yagize ati: “Serge ndamukunda ni umugisha kuri njye.Serge njye nawe turahorana.”

Serge Iyamuremye akibyumva yashatse guhakanya Aline Gahongayire, maze Aline ahita amusubiza ati:

“Umenye ko ndi nyokobukwe nubwo wadusabye tukaguha umugeni ariko umenye ko…”

Aline Gahongayire yakomeje ataka ubukwe bwa Serge Iyamuremye avuga ko bwagenze neza. Ati: ” Serge yakoze ubukwe bwiza. Abatoranyijwe twari mu bukwe bwa Serge… Twari bake ariko kwakundi twari turi niko Imana yabigennye.”

Mu kiganiro Nkunda Gospel yagiranye n’umuramyi Serge Iyamuremye yamaganiye ayo makuru yo gukora ubukwe gusa ahamya ko afite umukunzi mu buryo buzwi. Yagize ati:

“Aline ari gutwika! Ese naba narakoze ubukwe nkaba ntambaye impeta? Yego mfite umukunzi mu buryo buzwi ariko sinakoze ubukwe.”

Ku italiki 20 Kamena 2021,Uyu muhanzi w’indirimbo zo kuramya no guhimbaza Imana, Serge Iyamuremye, yemereye umunyamakuru wa IGIHE ko agiye kurushinga n’inkumi ituye muri Leta Zunze Ubumwe za Amerika.

Uyu muhanzi yahishuye ko afite umukunzi ndetse bitegura kurushinga.

Serge umuhanzi ukunzwe nabatari bake

Ati “Imyaka ibaye myinshi dukundana, ni umukobwa tumaranye igihe kuko twakundanye kera cyane. Sinamuvuga gusa uko iminsi izagenda yicuma muzamumenya.”

Icyakora nubwo yemeye ko afite umukunzi wo muri Diaspora, Iyamuremye yahakanye ibyo kujya gutura muri Amerika.

Ati “Njye nta gahunda mfite yo kujya muri Amerika. Ariko se kuki mwumva ko umuntu wese ukundanye n’umu-diaspora aba agiye kumusangayo? Ntituzajyayo ahubwo nitumara gusezerana arabizi ko azaza ino tugatura mu Rwanda.”

Bimwe mu byo Iyamuremye avuga ko yakundiye iyi nkumi harimo kuba ari umukobwa umukunda, wubaha Imana, ndetse akaba anasenga.

Serge Iyamuremye umaze igihe mu munyenga w’urukundo

Ku rundi ruhande hari amakuru yavugaga ko mu minsi ishize uyu muhanzi yasabye akanakwa uyu mukobwa mu ibanga rikomeye, ndetse kugeza ubu bakaba baragize ibanga iby’ibi birori ku buryo nta muntu wari wemerewe gufata amafoto.

Serge Iyamuremye ni umwe mu bamaze igihe mu muziki wo kuramya no guhimbaza Imana kuko abimazemo imyaka irenga icumi.

Ni umwe mu baramyi bakunzwe cyane mu Rwanda binyuze mu ndirimbo zirimo “Arampagije”, “Biramvura”, “Yesu Agarutse” n’izindi.

Kimwe n’abandi baramyi iby’urukundo rwe yabigize ibanga rikomeye kugeza akoze ubukwe.

Related post

Leave a Reply

Your email address will not be published. Required fields are marked *