Aline GAHONGAYIRE na Israel Mbonyi: Umukunzi wa Israel MBONYI ninde? Bwa mbere bahuriye mu kiganiro

 Aline GAHONGAYIRE na Israel Mbonyi: Umukunzi wa Israel MBONYI ninde? Bwa mbere bahuriye mu kiganiro

Abahanzi bakundwa n’abatari bake mu muziki uhimbaza Imana, Israel Mbonyi na Aline Gahongayire  bwa mbere bahurijwe mu kiganiro, umunezero udasanzwe kuri bombi.

Mu kiganiro cyanyuze kuri imwe muri Televiziyo ikorera kuri YouTube  izwi nka CHITA MAGIC TV, bahurije hamwe aba bahanzi bombi bigaruriye imitima y’abatari bake mu bakunzi b’indirimbo zihimbaza Imana.

Israel Mbonyi

Aba bahanzi bombi bafite n’umwihariko wuko bombi bafite indirimbo zitiranwa, indirimbo yitwa NDANYUZWE,

Aline Gahongayire bwa mbere ahura na Israel Mbonyi bahuriye kuri Radio Authentic aho avuga ko icyo yatangajwe n’ukuntu Israel yari umuhanzi utuje cyane kandi uciye bugufi kugeza naho wowe byagutera isoni. Mu kiganiro Aline Gahongayire yagarahaje ko Israel Mbonyi yaje mu muziki uhimbaza Imana igihe wabonaga ko byari byaranze icyo yise ko hari hari umwuma (DRY), akomeza agira ati “ Yaje mu gihe gospel industry wabonaga ko imaze kuba dry (kuuma), nta bintu bishya, Imana iravuga iti reka nze mboherereze Dawidi”

Ni ikiganiro kiryoheye ijisho kirimbo no gusetsa cyane, umuhanzikazi Aline Gahongayire yakomeje ashimangira umutima uca bugufi wa Israel Mbonyi agira ati “ Reka mbimushimire imbere y’abantu benshi, sindamubona yizamuye, ari very humble (aca bugufi), iyo adafitiye ibintu ibisubizo aricecekera”

Israel Mbonyi asabwe kugira icyo avuga kuri Aline Gahongayire afata nk’inshuti ye yagaragajeko Aline ari umukozi, yagize ati “ Ikintu cyantangaje kugeza uyu munsi nta kintu na kimwe kigeze gihinduka kuri Aline, arakora, twese twese araturusha gukora, ntabwo ari umunebwe arakora, icyo kintu Aline nakimwigiyeho cyane”

Mu rwenya rwinshi, Aline Gahongayire, yavuze ko indirimbo iri hafi irimo amashimwe ubwo uyu muhanzi azaba arushinze, yagize ati “ Ubutatu butagatifu ndabukunda, Serge aciyeho, Patient aciyeho, reka na Mbonyi aze nyisohorere rimwe”

Aline Gahongaiyre

Israel yabajijwe ku mukunzi we, asubiza agira ati “Umukunzi ndamufite, uwo mukunzi yitwa YESU KRISTO” . Muri iki kiganiro, Israel Mbonyi Yabajijwe niba hari indirimbo yigeze ahimba ikomotse ku bihe bikomeye yari arimo, asubiza ko iyo ndirimbo ihari ariko itari yasohoka, yagize ati “Iyo ndirimbo irahari yararangiye, ntabwo ndayisohora, yitwa WENYINE, Imana ningirira neza nzayisohora”

Mu mpera z’ikiganiro Aline Gahongayire yahishuye uburyo indirimbo ya Israel Mbonyi yaciyemo igitangaza cye cyo gukira umutwe wari umumereye nabi, yagize ati “Narwaraga umutwe w’inyuma, umunsi umwe nza gushyiramo indirimbo ya Mbonyi, ivuga ngo, uko nudushaho kumwegera amaso yanjye arahumuka (NZARIRIMBA by Israel MBONYI), nakomeje ndirimba ako gace, byari umwanya ukomeye ku buzima bwanjye, uko nayiririmbaga nagendaga ndushaho kubona ibintu bikomeye ku buzima bwanjye, ibyo ngomba gushyira ku ruhande, ngenda mpumuka amaso”. Yakomeje agira ati “Numvaga ngiye gupfa ariko nasohotse muri icyo cyumba numva ndi umuntu muzima utagomba gupfa, numva ko niba nshaka kurushaho gukundana n’Imana hari ibyo nsabwa kubanza kureka”.

Basoza ikiganiro, Aline Gahongayire mu magambo atebya, yavuze ko hari indirimbo Israel Mbonyi yamwibye, yagize ati “Usibye ko hari indirimbo yanjye yibye,..” abaza Mbonyi ati “Mbivuge?”, Mbonyi ati “Iyihe?” Aline ati “Niba ushaka kugira ubwiza, ukeneye icyubahiro, ni iyanjye, nansubize igihangano cyanjye”. Mu bigaragara byari ibiganiro kuko Israel Mbonyi nawe yahise asubiza ko iriya ndirimbo koko ari iya Aline Gahongayire, ariko Aline yagaragazaga ko Israel Mbonyi yamuririmbiye ibintu neza neza nkuko byari bimeze.

Hari hashize iminsi mike Aline Gahongayire asohoye indirimbo ye yasubiyemo, HARI IMPAMVU PE ndetse n’indi yafatanije n’inshuti ye, Butera KNOWLESS, bise ASANTE.

Ikiganiro cyose cyahuriyemo ISRAEL MBONYI na Aline GAHONGAYIRE

Related post

Leave a Reply

Your email address will not be published.