Aline Gahongayire yambitse umubyeyi we impeta anamuha isezerano nk’uko bikorwa n’abagiye gusezerana imbere y’Imana

 Aline Gahongayire yambitse umubyeyi we impeta anamuha isezerano nk’uko bikorwa n’abagiye gusezerana imbere y’Imana

Umuramyi Aline Gahongayire umaze kubaka izina mu mitima ya benshi kubera ibikorwa akora binyuranye abifatanyije n’ubuhanzi, yatangaje benshi ubwo yambikaga mama we impeta yarangiza akanubwira amasezerano nk’uko bigendekera abashakanye bagiye gusezerana imbere y’Imana, ariko icyasekeje benshi ni ijambo yavuze ari gutebya aho yavuze ko n’aho umubyeyi we yakongera gukora ubukwe umugabo wamwambika impeta atabanza kumukuramo iyo Gahongayire yamwambitse ahubwo ko nawe yakongeraho iye.

Ibi byabaye ubwo bizihizaga umunsi mukuru w’amavuko wa mama we, Pasitori Umulisa Chantal wari wujuje imyaka 60 y’amavuko. Muri ibi birori byitabiriwe n’imbaga nyamwinshi Aline Gahongayire yafashe umubyeyi we ikiganza maze amwambika impeta arangije aragira ati:

“Iyi ni impeta nkwambitse nk’ikimenyetso cy’urukundo ngukunda kandi ko guhera uyu munsi ntazaguhemukira, ko ntazaba ikirara, ko ntazaba uworoheje, ko nzaba umuntu ukomeye , ko nzakorera Imana nkaguhesha ishema nkanaguhoza amarira…”

Aline Gahongayire yakomeje anandika ku mbuga nkoranyambaga ze amagambo avuga agaciro afitiwe n’umubyeyi we agira ati: “Mama wanjye, Pasitori wanjye ni we wampetse nubu akaba akimbikiye amabanga, wubahwe mama, isabukuru nziza y’imyaka 60 umaze uvutse. Baho mama wowe na Yesu muri ingenzi mu buzima bwanjye.”

Ubwo uyu muramyi yambikaga umubyeyi we impeta abantu bakomeje kugenda baseka, bamwe bakoma amashyi bavuga ko Aline Gahongayire agira ibikorwa byinshi bidasanzwe ariko na none hari n’abandi bantu bagiye bafatwa n’ikiniga bakarira nk’uko bigaragara mu mashusho Nkundagospel ifitiye kopi.

Aline Gahongayire yambitse umubyeyi we impeta
Benshi bagize ikiniga bararira

Related post

Leave a Reply

Your email address will not be published.