Aline Gahongayire yambitswe impeta n’umugabo w’igikwerere

 Aline Gahongayire yambitswe impeta n’umugabo w’igikwerere

Umuramyi Aline Gahongayire umaze kubaka izina hirya no hino mu Rwanda no hanze yarwo yamaze kwambikwa impeta n’umugabo w’igikwerere ndetse ushobora kuba ari umuzungu.

Mu kiganiro na Yago Tv show Aline Gahongayire yatangaje ko yamaze kwambikwa impeta mu buryo bwemewe ndetse anereka umunyamakuru Yago ifoto y’umugabo we.

Mu magambo ye bwite Aline Gahongayire yagize ati:

“Ndi umubyeyi urugo rurantegereje, mfite umukunzi kandi ndishimye cyane kubwo uru rugendo natangiye.” Yakomeje agira ati:

“Mfite umugabo ndetse twamaze no kubibwira imiryango gusa ndashimira Imana kuko hari abari batangiye kuntuka ku mbugankoranyambaga.”

Aline Gahongayire akimara kuvuga ayo magambo yahise yereka umunyamakuru ifoto y’umugabo we ariko amubuza kuyerekana kuri camera. Umunyamakuru akimara kubona iyo foto yagize ati:

“Mbega ukuntu umugabo wawe ari igikwerere! Icyakora muzajya mubyara abazungu ndetse n’abametisi.”

Aline Gahongayire ufite imyaka 35 avuga ko nyuma yo gutandukana n’umugabo bari barushinze, yafashe igihe cyo kubanza gutuza, amenya neza amakosa ye kuko ariyo ‘Mpa agaciro kugira ngo mbanze nyakosore hanyuma mbone kujya mu y’indi nzira’.

Aline Gahongayire na Gahima Gabriel basezeranye imbere y’Imana Ku wa 20 Ukuboza 2013, gusa nkuko Gahima yabisabye urukiko rwabatandukanyije byemewe n’amategeko ku italiki ya 28 Ugushyingo 2017.

Related post

Leave a Reply

Your email address will not be published.