Aline Gahongayire yifatanyije n’abaririmba Hip Hop

 Aline Gahongayire yifatanyije n’abaririmba Hip Hop

Umuririmbyi uririmba indirimbo zo kuramya no guhimbaza Imana, Aline Gahongayire yabwiye abaririmbyi nyarwanda bose baririmba injyana ya Hip Hop na Trap music ko abakunda cyane ndetse abasaba kwihanganira urupfu rwa Jay Polly yise umubyeyi wabo.

Ubwo yari mu kiganiro kuri shene ya YouTube yitwa Yago Tv show, uyu muhanzi yagaragaje ko urupfu rw’umuhanzi Jay Polly nta we rutababaje ariko agahamya ko abaririmba injyana ya Hip Hop bo byabaye akarusho ngo kuko kubura Jay Polly byababereye nko kubura umubyeyi.

Muri iki kiganiro aho Aline Gahongayire yagaragaje ko ari umukunzi ukomeye w’umuhanzi uririmba injyana yitwa Kinyatrap, Bushali, yagize ati:

”Uyu munsi ndi muri mood ya Hip Hop ndashaka guhesha umugisha umuhanzi Fireman, Yang toni, AMAG The Black ndetse na ba bandi bose baririmba Trap music, Ish Kevin, Bushali, inshuti yanjye ikomeye, ndumva nshaka kubabwira ko mbakunda, burya iyo umuryango ubuze umuntu ntabwo ari ngombwa kubereka ko ubataye kuko kubura Jay Polly ni ukubura umubyeyi, nditegura kuzasangira n’abana ba Jay Polly …Yago uzabimfashemo…”

Aline Gahongayire yabihereyeho anenga abo yise abakristo b’abahezanguni bumva ko umuririmbyi uririmba indirimbo zo kuramya no guhimbaza Imana atagakwiye kuba ajya mubyerekeye izo njyana cyangwa se ngo yambare amarineti ndetse n’ibindi birimo kwisiga amavuta y’ubwiza ahubwo bagashishikazwa no gucira bagenzi babo imanza. Yavuze ko umuntu uri muri Yesu yagakwiye kuba abohotse muri byose ahubwo yiyerekana uko ari ndetse akarangwa no kwishima. Yagize ati:

Hari abakristo bari out there bumva ko kubaho ari ukwifunga…ushobora gukunda Yesu kandi ukanambara utu turineti kuko kwa Yesu ahubwo ni ho nabonye umuntu aba free. Abarokore b’abacamanza bari hariya ngo imisatsi, ngo amarineti, ngo rouge n’ibindi ngo ni icyaha. Ibyo si byo ahubwo icyaha kiba mu mutima wawe .Iyo utekereje nabi uba ukoze icyaha.”

Mu gusoza iki kiganiro Aline Gahongayire wari waje yambaye amarineti nk’ayabahanzi baririmba Hip Hop yagiriye abantu bose inama yo kuba abo ari bo bakareka kwishushanya ngo kuko ibyo bizabafasha kuba beza mu mitima ya bo maze ibibava mo bikagaburira Isi yose. Uyu muhanzi kandi yasoje ahamya ko ari inshuti ya DJ Briane ndetse anamwifuriza umunsi mwiza.

Related post

Leave a Reply

Your email address will not be published.