Alpha Rwirangira agiye gusohora album y’indirimbo zihimbaza Imana

 Alpha Rwirangira agiye gusohora album y’indirimbo zihimbaza Imana


Umuhanzi nyanda Alpha Rwirangira yateguje album ye nshya y’indirimbo zihimbaza Imana, aho yahishyuye ko indirimbo ya mbere iri kuri iyo album izasohoka tariki ya 25 Gicurasi 2022, ku munsi we w’amavuko.


Abinyujije ku rukuta rwe rwa Instagram yatangarije abakunzi be ko agiye gusohora album ihimbaza Imana, iri mu bwoko bwa cover, (gusubiramo indirimbo), Izaba yitwa “Wow”. Yagize ati:

“Muraho bakundwa! Inzozi zanjye ziri kuba impamo. Nejejwe no kubasangiza album yanjye y’indirimbo zihimbaza Imana iri mu bwoko bwa cover, ikazaba yitwa Wow!” Yakomeje agira ati:

“Indirimbo ya mbere kuri iyi album izasohoka tariki ya 25 Gicurasi, ku isabukuru yanjye y’amavuko.”

Alpha Rwirangira yasoje ubutumwa bwe asaba abakunzi be gusangiza bagenzi babo iyo nkuru nziza.

Album ya Alpha Rwirangira izaba igizwe n’indirimbo ziramya Imana ziri mu rurimi rw’Ikinyarwanda n’Igiswahili 12, arizo: Son of a king, Wow, Hashindwi, Hakuna ft GoodLuck Gozbert, Victorious ft Princess, Iradukunda, Amina ft Keilla, Zura, Ishimwe, Ndaje, Ni wewe, Siku yangu.

Related post

Leave a Reply

Your email address will not be published. Required fields are marked *