Amafoto: Abarenga 30 bakiriye agakiza mu giterane cya Grace Room Ministries

 Amafoto: Abarenga 30 bakiriye agakiza mu giterane cya Grace Room Ministries

Abantu barenga 30 bakiriye agakiza ubwo bari mu giterane cyateguwe n’umuryango Grace Room Ministres cyamaze iminsi 7.

Iki giterane gikomeye yise “Your Glory Lord” ni igiterane bateguye mu rwego rwo gushima Imana no kwizihiza isabukuru y’imyaka itatu uyu muryango umaze kuva ubonye izuba.

Muri iki gitaramo cyatangiye ku italiki ya 6 Ukuboza kikarangira taliki ya 12 Ukuboza 2021 kandi amakuru agera kuri Nkunda Gospel avuga ko usibye abo bantu 30 bakiriye agakiza hari n’abandi benshi bari baravuye mu byizerwa ariko bakongera kugarukira Imana.

Iki giterane cyaririmbyemo abahanzi batandukanye barimo na Aime Uwimana.

Pst Julienne Kabanda uyobora iyi Minisiteri yagize ati: “Buri munsi tubona abantu bakizwa turashima Imana”.

Yakomeje avuga ko kugeza ubu bashima cyane Imana ikomeje gutuma ubwoko bwayo buhaguruka ndetse n’imitima igahinduka binyuze muri Grace Room Ministries.

Iminsi irindwi iki giterane cyamaze bayise iy’icyubahiro cy’Imana.

Iki giterane kandi cyagaragayemo abavugabutumwa batandukanye barimo Rev. Dr Antoine Rutayisire, Apostle Sosthene, Bishop Dr.Masengo na Pastor Kabanda Stanley.

Nkuko Pastor Julienne Kabanda yabigarutseho, mu myaka itatu uyu muryango umaze ushinzwe umaze kugera kuri byinshi birimo guhindura imitima ya benshi. Mu bindi uyu muryango ukora harimo gufasha abantu mu buryo butandukanye nko kwita kubana bahohoterwa bagaterwa inda bataruzuza imyaka y’ubukure, abatishoboye n’abandi. Utanga kandi amahugurwa atuma abantu nk’aba tumaze kugarukaho babasha kwihangira imirimo.

Grace Room Ministries iyoborwa na Pst Julienne Kabanda, ni umuryango utegamiye kuri leta, ushyize imbere gushyira abantu mu rumuri rwa Kristu.

Uyu muryango udaheza amadini watangiye mu mwaka wa 2018 ndetse ubu wanizihije isabukuru y’imyaka 3 bamaze bakora.

Bari bizihiwe

Related post

Leave a Reply

Your email address will not be published.