Amafoto: Umunyamakuru wa Radio Flash, Ali Gilbert Dunia yakoze ubukwe

 Amafoto: Umunyamakuru wa Radio Flash, Ali Gilbert Dunia yakoze ubukwe

Umunyamakuru wa Radiyo Flash akaba na Nyirikinyamakuru Isezerano.com, Ali Gilbert Dunia, yakoze ubukwe muri Uyu wa Gatandatu tariki 27 Ugushyingo.

Ubu bukwe abukoze nyuma yuko ku wa Kane tariki 25 Ugushyingo, yasezeranye imbere y’amategeko na Ituze, ibirori bititabiriwe n’abantu benshi cyane mu rwego rwo kubahiriza amabwiriza yo kwirinda icyorezo cya Corona virus

Ni ubukwe bwaranzwe n’udushya turimo kuba Ituze mugihe yari agiye guha impano Ali, yabanje guca bugufi amuhereza igikombe nyuma arahaguruka amwambika umudari, ibyatangaje benshi bahita babibonamo nko kumuha igihembo ko atsindiye umutima we akaba amwegukanye.
Mubintu byaranze ubukwe bw’aba banyamakuru kandi, hagaragaye amarira y’ibyihimo yaranze abageni ndetse n’abitaniriye ubukwe.

Ituze yahaye Ali igikombe n’Umudari

Mukwiyakira habonetse ibishashi by’Umwuka Wera kubwo kuramya kubahanzi batandukanye barimo Nelson Mucyo,Daniel Svensson,Elisa Tugirumukiza na Assa.

Byagaragaje ko Gilbert yari umwana mwiza mu itorero rya apostolic abarizwamo kuko ubukwe bwe bwitabiwe nabanyetorero Abashumba abakirisutu dore n’umuvugizi w’itorero yari yabutashye.

Amarira y’ibyishimo ni kimwe mu byaranze ubu bukwe.

Gusaba no gukwa Ituze Viviane byabereye mu karere ka Kamonyi muri Remera rukoma naho gusezerana imbere y’Imana no kwiyakira byabereye I kigali iremera

Uyu musore umaze imyaka irindwi mu mwuga w’itangazamakuru, yaryize muri kaminuza Gatorika ya Kabgayi(ICK), akaba yarakoze ahantu hatandukanye harimo radiyo Flash fm ndetse kuri ubu akaba afite ikinyamakuru cye gikorera kuri murandasi aricyo Isezerano.com.

Mu mwaka wa 2017 muri kaminuza y’u Rwanda .College of Business and Economics (UR)yahoze yitwa sfb, yahakuye impamyabushobozi muri Office Administration and Management.

Ni mu gihe umukunzi wa Ali yakoze imyaka ibiri mu mwuga w’itangazamakuru, akaba yararyize muri kaminuza y’u Rwanda. Yakoze ku Kinyamakuru The new times nka freelancer na Ibyishimo.com.

Basezeranye imbere y’Imana

Kugeza ubu Ali Gilbert Dunia akora kuri radiyo Flash mu kiganiro cyo kuramya no guhimbaza Imana(Gospel talent show), gitambuka ku cyumweru saa tatu z’igitondo.

Reba Amafoto yose y’ubukwe bwa Ali na Ituze:

Amafoto yose y’ubukwe bwa Ali na Ituze

Related post

Leave a Reply

Your email address will not be published.