Amwe mu magambo akomeye yavunzwe n’umwami Salomo yahinduye ubuzima bwa benshi

 Amwe mu magambo akomeye yavunzwe n’umwami Salomo yahinduye ubuzima bwa benshi

Salomo ni umwe mu bami bakomeye batwaye igihugu cya Isirayeli mu buryo butangaje bitewe n’ubwenge n’ubuhanga bidasanzwe yari yarahawe n’Imana .Yavutse mu mwaka wa 990 BCE, yitaba Imana mu mwaka wa 931 BCE (aged 58–59).

yabyawe n’umwami Dawidi n’umugore we Berisheba wari umugore wa Uliya.Hari amwe mu magambo akomeye yagiye avuga yahinduye ubuzima bwa benshi nawe yahindura ubwawe. Igice cya mbere Yagize ati:

• “Umugore w’ingeso nziza abera umugabo we ikamba, ariko ukoza isoni ni nk’ikimungu kiri mu magufwa ye”.

• “Ndetse n’umupfapfa iyo acecetse bagira ngo ni umunyabwenge”.• “Ntugakundire akanwa kawe gucumuza umubiri wawe”.

• “Ababiri baruta umwe, kuko babona ibihembo byiza by’imirimo yabo, kuko iyo baguye umwe abyutsa mugenzi we, ariko uguye ari wenyine atagira umubyutsa, aba abonye ishyano”.

• “Aho kubana n’umugabo ugucyuriraho abandi bagore buri munsi byarutwa no kugwa ku ishyiga”.

• “Umugore w’umutima wese yubaka urugo, Ariko umupfu we ubwe ararusenya”.

• “Ni cyo gituma mbona yuko nta kirenze ibi: umuntu kunezezwa n’imirimo ye, ibyo ni byo mugabane we”.

• “Aho kubana n’umugabo ukubwira amagambo meza,hanyuma akayabwira n’abandi bagore, byarutwa ukabana n’ikiragi”. • “Nta muntu ufite ububasha ku mwuka we, kandi nta bubasha afite bwo kwimura umunsi wo gupfa”.

• “Kuba mu gakinga k’urusenge, biruta kubana n’umugore w’ingare mu nzu y’inyumba”.

• “Ibyahozeho ni byo bizongera kubaho, kandi ibyakozwe ni byo bizongera gukorwa, nta cyadutse munsi y’ijuru”.

• “Byose ni ubusa!ni nko kwiruka inyuma y’umuyaga.

• ”Ibyo umuntu agokera byose akiri mu isi bimumarira iki? • Abo ku ngoma imwe barashira hakaza abo ku yindi, ariko isi ihoraho iteka”.

• “Utihutira kurakara aruta intwari, Kandi utegeka umutima we aruta utsinda umudugudu”.

• “Ku munsi w’amahirwe ujye wishima, no ku munsi w’amakuba ujye utekereza yuko Imana ari yo yaremye byombi ikabibangikanya”.

• “Ibi byose nabibonye mu minsi namaze y’impfabusa: habaho umukiranutsi ukenyuka kandi akiranuka, kandi habaho umunyabyaha uramba kandi akora ibibi”.

• “Umugore w’uburanga bwiza utagira umutima, Ni nk’impeta y’izahabu ikwikirwa mu mazuru y’ingurube”. • “Umutima w’umukiranutsi utekereza icyo ari busubize, Ariko akanwa k’umunyabyaha gasesagura ibigambo”.

Related post

Leave a Reply

Your email address will not be published.