Ange Kagame yatanze inama yifashishije umurongo wo muri Bibiliya

 Ange Kagame yatanze inama yifashishije umurongo wo muri Bibiliya

Ange Kagame, umukobwa wa Nyakubahwa Perezida wa Repubulika y’u Rwanda, Paul Kagame na Nyakubahwa Jeannette Kagame, akomeje gutanga ubutumwa bushishikariza abantu bose kugira umutima wo gutanga yifashishije Bibiliya.

Mu mboni ze asanga umuntu wese ugira umutima wo gutanga hari igihe kigera iyo neza ikamugarukira ndetse ku rugero rusendereye. Iyi niyo mpamvu yifashishije umurongo wo muri Bibiliya, uboneka muri Luka 6:38 kugira ngo yibutse abantu bakabakaba ibihumbi magana ane, (400,000), bamukurikira ku rubuga rwa Twitter ndetse n’abandi, ko ineza uyisanga imbere.

Uyu murongo wo muri Bibiliya uboneka ku rukuta rwe rwa Twitter uragira uti:

“Mutange namwe muzahabwa. Urugero rwiza rutsindagiye, rucugushije, rusesekaye ni rwo muzagererwa, kuko urugero mugeramo arirwo muzagererwamo namwe.”

Ange Ingabire Kagame n’umufasha we Bertrand Ndengeyingoma bari mu byishimo byinshi nyuma yo kwibaruka umwana wa kabiri. Ku itariki ya 20 Nyakanga 2022 nibwo Nyakubahwa Perezida wa Repubulika y’u Rwanda, Paul Kagame yashimiye umukobwa we Ange Kagame n’umugabo we Bertrand Ndengeyingoma bibarutse ubuheta, ku itariki ya 19 Nyakanga 2022.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *