Annette Murava yasohoye indirimbo iri kuriza abantu

 Annette Murava yasohoye indirimbo iri kuriza abantu

Umuhanzikazi nyarwanda uririmba indirimbo zo kuramya no guhimbaza Imana, Annette Murava, yasohoye indirimbo yitwa’ Niho nkiri’ irimo amagambo y’umuntu wategereje igihe kire kire ko Imana yamutabara ariko bikanga, ku buryo umuntu wese uri kumva cyangwa akareba amashusho y’iyi ndirimbo ari kugira ikiniga amarira agatemba ku matama cyangwa yakwihagararaho amarira agatemba ajya munda.

Iyi ndirimbo ifite hafi iminota umunani ariko ukaba utayumva ngo nugera hagati uyikuremo kubera amagambo akora ku mutima arimo, ikomeje kuvugisha benshi ku mbugankoranyambga ariko abenshi bavuga ko itumye basuka amarira.

Dore amagambo agize iyi ndirimbo:

“Ndacyategereje, umugisha wawe Mana aho wansize n’ubu niho nkiri. Ndangamiye isezerano ryawe, mpagaze aho wansize. Abo twazanye barasubijwe, mbese uracyanyibuka? Inkovu z’ibipfukamiro byanjye, zindya amanywa n’ijoro. Mbese isengesho ryanjye ryari rigufi? Mbwira naryo ndyongere. Ndinda gushidikanya, nzi ko utajya uhinduka Wituma ndira abandi baseka, ibuka isezerano “Inkwenene zabaye uruhuri, abanzi barishimye. Nanjye ndi mu bo wasize inyuma, garuka unsindagize.

Umuhanzi akomeza agira ati:

Nyigisha gusesengura, ibisubizo, n’aho umuti waba usharira. Mana nkwumvire. Mpa imbaraga ntegereze, ubushake bwa we, kugeza igihe uzanjyana mu gitaramo cy’abagushima. Ubigenza ute, ushingira kuki usubiza. Mbese ijwi ryanjye ryaba rikugeraho. Narinzi ko isoko y’imigisha nta n’umwe uyihezwaho. Mbese n’iki Mwami nakora ngo ureke nanjye mvomeho? Abo tugusangiye nk’umubyeyi bapfukamye bashima, njyewe ho na n’ ubu ngisaba, sinzi igihe uzanyumva. Abo twahingiye rimwe Mana, bose barasaruye, ngushiriza imvura nanjye neze Mpagaze aho wansize.”

Shene yo kuri YouTube yitwa ‘Isimbi Tv’ yabaye iya mbere yo kuvuga ko iyo ndirimbo ibakoze ku mutima maze bashimira Annette bati warakoze kubwo iyi ndirimbo.

Yagize ati:” Iyi ndirimbo idukoze ku mutima, warakoze Annette.”

Ubwo twakoraga iyi nkuru, abantu barenga magana atanu bari bamaze kugira icyo bavuga kuri iyi ndirimbo ariko ubutumwa bwabo ntaho butandukaniye n’ubwa Isimbi Tv kuko bose bagaragaza ko iyi ndirimbo yatumye amarira abazenga mu maso.

Iyi ndirimbo ikomeje kuriza abantu

Related post

Leave a Reply

Your email address will not be published.