Apotre Dr Paul Gitwaza yasabiye umugisha wa gitambyi abamufashije mu guherekeza umubyeyi we

 Apotre Dr Paul Gitwaza yasabiye umugisha wa gitambyi abamufashije mu guherekeza umubyeyi we

Kuwa  Mbere tariki 22 Gashyantare 2021 ni bwo hamenyekanye inkuru ibabaje y’urupfu rw’umubyeyi wa Apotre Dr Paul Gitwaza uyobora itorero Zion Temple ku isi.

Kuri uyu wa Kane  tariki 4 Werurwe 2021, nibwo habaye umuhango wo ku musezeraho bwa nyuma no kumushyingura mu cyubahiro muri Kenya.

Apotre Dr Paul Gitwaza mu muhango wo guherekeza umubyeyi we

Apotre Dr Paul Gitwaza uyobora itorero Zion Temple ku isi. Mu magambo yacishije ku rukuta rwa Facebook.yatangaje nyuma y’ishyingurwa ry’umubyeyi we. Yashimiye abantu batandutakanhe bamufashe mu mugongo mu rupfu rw’umubyeyi we.

Hamwe n’umuryango wanjye turabashimira uburyo bwose mwadufashije. Mwabaye abo mu muryango wacu wa bugufi. Kandi mwari hamwe n’abandi bo muryango wacu mugari harimo Ababishopi, Abashumba, Abavugabutumwa, Abakozi b’Imana batandukanye, Abanyamuryango ba Zion ndetse n’inshuti za Zion ku isi hose, muri ibi bihe bikomeye byo kubura umubyeyi wacu Pastor Lea N. Kajabika. Aba bantu bose babanye natwe, batugaragarije urukundo biciye mu nkunga y’amasengesho ndetse n’ibifatika. Baradufashije birenze ibitekerezo byacu. Ni ukuri ntituzabyibagirwa.

Turabashimira amagambo yanyu yo kudukomeza, ariko nanone turabashimira ku bw’ineza yanyu. Inkunga yanyu y’amafaranga yadufashije kwishyura ibitaro. Turabashimira nanone ku bw’amasengesho, ku bwo kuhaba ku munsi wo kumusezera ndetse no gufasha mu buryo bwose kugira ngo umuhango wo gushyingura Mama ugende neza. Imana ibahe umugisha.

Mama yari umuntu udasanzwe w’umwihariko cyane ku buzima bwanjye, rero ndabashimira ko mwahabaye mu rugendo rwo kumuherekeza ajya mu ijuru. Mwanyeretse ko munkunda, kuko mwahaye agaciro uwo nkunda. Murakoze.

Emera ngusabiye umugisha wa gitambyi ku bwawe no ku bawe.

Kubara 6: 24-26: 24 Uwiteka aguhe umugisha akurinde,25Uwiteka akumurikishirize mu maso he akugirire neza,26Uwiteka akurebe neza, aguhe amahoro.

Umubyeyi wanjye yabaye mu nzu y’Imana akiri muto, mu myaka y’ubwangavu bwe. Yakijijwe ndetse abatizwa afite imyaka 13 (1947). Asezerana mu rusengero afite imyaka 16 (1950). Akora umurimo w’Imana hamwe na Data umbyara, imyaka yo kubaho kwe kose.

Yadutoje kumenya Imana ndetse atumenyereza inzira dukwiriye kunyuramo tukiri abana.

Yazanaga umuganura mu nzu y’Imana, ibya cumi, amaturo ndetse n’inkunga zose z’urusengero, ubuzima bwe bwose.

Muri make, Mama yari afitanye ubusabane bwiza n’Imana, Abaturanyi ndetse n’Itorero.

Kuzamurwa kwe mu cyubahiro kubaye mugihe twinjiye mu nsanganyamatsiko nshya y’uku kwezi kwa Werurwe: “Gusabana n’Itorero”.

Ndakwifuriza nawe kongera guhembuka, reka umwete n’ishyaka ry’urusengero rwawe byongere bibyuke.

Imana ibahe umugisha

Related post

Leave a Reply

Your email address will not be published. Required fields are marked *