Apotre Mutabazi yongeye kwibasirwa bikomeye ku mbuga nkoranyambaga

 Apotre Mutabazi yongeye kwibasirwa bikomeye ku mbuga nkoranyambaga

Apotre Mutabazi Kabarira Maurice usa n’uri kuva mu iyobokamana yerekeza muri politiki yahawe inkwenene n’abatari bake, ku rubuga rwa Twitter, nyuma yo gutaka avuga ko abagizi ba nabi bamennye indorerwamo y’imodoka ye,(rétroviseur).

Bamwe mu bamukurikira kuri uru rubuga rwa Twitter, bavuze ko Mutabazi agomba kuba abeshya ngo kuko imodoka ye yayigurishije ubwo yishyuraga amafaranga y’ubukode bw’inzu.

Ally Mutabazi yagize ati: “Ariko mu kibuga cya politike warabuze? Ese wafashe ka konji cyangwa wabivuyemo? Niba barakumeneye imodoka rero uzashyiremo kamera nibongera uzamenya abayimennye. Ariko mperuka numva bavuga ko wanayigurishije ubwo wishyuraga amadeni? Yaba arindi waguze?”

Abandi bakomeje bavuga ko iyi modoka nta mugizi wa nabi wayikozeho, ahubwo bavuga ko yamenetse kubera gusaza. Uwiyise Arufm kuri Twitter yagize ati:

” Hahaha ntabwo bayiyemennye iyi yahubutse kubera gusaza man. Iyi modoka y’ibihumbi magana atanu koko ubu ninde wayiba pièces.” Mugenzi we Kaboss yagize ati:

“Ariko nawe ukabije kwitakishwa,cyangwa ni challenge uba ugira ngo wumve icyo abagukurikira bavuga?Gusa niba ari byo ni ikimenyetso cy’uko wazonze abantu,buriya baba bihimura.”

Si ubwambere apotre Mutabazi avuga ko imodoka ye yangijwe n’abagizi ba nabi, dore ko no ku italiki ya 11 Gicurasi 2022 nabwo, abinyujije ku rubuga rwaTwitter yatangaje ko abagizi ba nabi batoboye ipine ry’imodo ye, maze icyo gihe abantu bacika ururondogoro.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *