Apôtre Yongwe yibasiwe na Salongo amuziza kurwanira ishyaka itorero

 Apôtre Yongwe yibasiwe na Salongo amuziza kurwanira ishyaka itorero

Nyuma y’aho apôtre Yongwe ahinyuje amakuru y’umuvuzi gakondo, ariko benshi bakunze kwita umupfumu, Salongo aho yatangaje ko hari abapasiteri baje kumureba kugira ngo bamwigireho, Salongo nawe yagiye kuri sheni ya YouTube yitwa Big Town TV acika ururondogora asubiza Yongwe ndetse anahishyura ko yamaze kumutega imitego izamufatira mu bibi maze akamushyira ku karubanda.

Bimwe mubyo Salongo avuga ko byamubabaje ni uko Yongwe yavuze ko “abakora nk’ibyo akora bakwiye guterwa amabuye cyangwa bagahambirwa urusyo ku ijosi bakajugunwa mu nyanja.”

Salongo yireguye avuga ko adakoreshwa n’amashitani ahubwo ko ari umuvuzi gakondo bityo ko bitari bikwiye ko apôtre Yongwe amwibasira.

Yagize ati:” Njyewe sinkoreshwa na Satani nkuko Yongwe abivuga ahubwo ndi umuvuzi gakondo, bityo ntiyari akwiye kunyibasira.”

Salongo yakomeje agaragaza ko yamaze gutega imitego apôtre Yongwe ko yiteguye kuzerekana amafoto ye yafashwe.

Yagize ati:”Aho Yongwe ari hose caméra zanjye zimuriho,nakora ikosa gato nzabereka amafoto ari mu byaha.”

Mu mboni za Apôtre Yongwe wamenyekanye cyane ubwo yavugaga indimi yise izo mu ijuru, asanga abapfumu bitwikira izina ry’abavuzi gakondo bagatuburira abakristo n’abandi bantu muri rusange bari bakwiriye gusengerwa Imana igahagarika ibyo bakora.

Iyi niyo mpamvu yavuze ko agiye gufata iminsi mirongo itanu y’amasengesho ngo asengere abantu nk’abo barimo na Salongo.

Related post

Leave a Reply

Your email address will not be published. Required fields are marked *