Bishop Leonille Uwubugingo umushumba w’Itorero Elayono Mountain Church akomeje urugendo rw’ivugabutumwa rinyuze mu muziki

 Bishop Leonille Uwubugingo umushumba  w’Itorero Elayono Mountain Church akomeje urugendo rw’ivugabutumwa rinyuze mu muziki

Bishop Uwubugingo Leonille Umushumba Mukuru w’Itorero Elayono Mountain Church, akomeje urugendo rw’ivugabutumwa mu muziki wo kuramya no guhimbaza Imana. Yasohoye indirimbo yise ‘Ineza yawe’ ndirimbo ifite ubutumwa bwo kubwira abantu bari mu bibazo ku rushaho kwegera Imana.

Bishop Leonille ahamya ko impano yo kuririmba yatangiye kuva cyera mu buto bwe ubwo yigaga mu mwaka wa gatanu w’amashuri abanza yakundaga kuririmba cyane aho niho yatangiye kumenya ko afite impano yo kuririmba.

 Bishop Leonille yabwiye NKUNDAGOSPEL, ko indirimbo ye irimo gushima Imana no guhumuriza abari mu bibazo ko bagomba kwegera Imana.

yagize ati: ubutumwa buri mu ndirimbo yanjye , “Ineza yawe” harimo gushima Imana mu bihe byose binezeza Imana, ndetse no kongera guhumiriza abantu bari mu bibazo. Imana iyo wayegereye ugasenga iragutaba kandi nta kinanira Imana “.

yakomeje avuga ko guhuza umurimo w’Imana wo kuririmba no gushumba itorero abereye umuyobozi.

ati: “Umwuka wera ni umuyobozi iyo  umuntu yasenze ibintu byose bigenda neza. Iyo ndi buririmbe numva ijwi ry’Imana rimbwira aho ndi buririmbe ni kimwe niyo ndi bubwirize. Nsenga Imana ngasoma Bibiliya Imana ibyo impaye nibyo mvuga, nta kigoye kirimo kuko Umwuka wera niwe udushoboza gukora byose”. 

Bishop Uwubugingo Leonille umushumba w’itorero Elayono Mountain Church kuririmba yabitangiye guhera akiri muto.

Bishop Uwubugingo Leonille ubu amaze gukora indirimbo zirindwi ariko izo yasohoye zitunganyijwe mu buryo bw’amajwi ni 2 arizo ‘Ijoro’ , n’indi yitwa ‘Ineza yawe’. Kuririmba abifatanya no gushumba Elayono Mountain Church rikorera umurimo w’Imana, Akarere ka Gasabo, Umurenge wa Kacyiru.

REBA HANO INDIRIMBO YA BISHOP LEONILLE

Related post

Leave a Reply

Your email address will not be published. Required fields are marked *