Bishop Nzaramba witegura kwiyamamariya kuba perezida wa RDC yasohoye indirimbo nshya

 Bishop Nzaramba witegura kwiyamamariya kuba perezida wa RDC yasohoye indirimbo nshya

Bishop Nzaramba AlNzamba] utuye muri Leta Zunze Ubumwe za Amerika wanamaze kwanzura kuziyamamariza kuba Perezida wa Repubulika Iharanira Demokarasi ya Kongo (DRC), yashyize hanze indirimbo nshya yise “I Love You Lord” atabarizamo abana b’imfubyi.

Aganira na InyaRwanda.com, Bishop King Nzamba yatangiye yivuga, ati “Amazina ni Bishop Nzaramba Alexis umwana w’umwega nkanaba murumuna wa Yesu. Nzwi ku mazina ya muzika ‘King Nzamba’. Ndi Umuyobozi w’itorero ryitwa Mary and Grace Ministry muri USA”. Yavuze ko akiri ingaragu ariko yitegura kurushinga kuko afite umukunzi. Ati “Maze iminsi ndimo mvugana n’umukobwa w’umuririmbyikazi, ni umunyarwandakazi uvanze n’Abahima, uzwi ku mazina ya Kemi Sera”.

Ku bijyanye n’indirimbo ye yise “I love You Lord” yamaze gushyira hanze, twamubajije uko igitekerezo cyayo cyamujemo n’ubutumwa yayinyujijemo, adusubiza ko ari indirimbo yasabye Imana kubera iyerekwa yagize. Aragira ati “Indirimbo yaje nk’uko nayisabye Imana bitewe n’iyerekwa rikomeye nagize ku bana b’imfubyi basigwa n’ababyeyi bo mu mubiri yewe n’abavandimwe ariko bagasigarana n’umubyeyi Nyamubyeyi wo mu Mwuka ariwe Mana yaremye u Rwanda n’ibindi bihugu”.

Bishop King Nzamba yavuze ko ye mu muziki ari ukuzamura icyubahiro cy’Imana. Ati: “Intego yajye muri Muzika ni ukuzamurira Imana icyubahiro no guhindura benshi bakiri mu buryohe bw’isi”. Yavuze ko nyuma y’iyi ndirimbo afite “Izindi ndirimbo nyinshi ngiye kurekura mu mezi ari imbere zubaka imitima y’abantu bose guhera ku ba Islam kuko mbona benshi babayeho mu gahinda gusa”.

Nzaramba Alexis wahisemo kwitwa King Nzamba, yabwiye InyaRwnanda.com ko yamaze kwiyemeza kuziyamamariza kuba Perezida wa Congo – igihugu cye cy’amavuko, ati “Nkaba ndi no kwitegura mu misi iri imbere kujya mu gihugu cyanjye mvukamo DRC kuziyamamariza umwanya w’umukuru w’igihugu. Nkaba ndi Umunyamulenge ariko w’umunyabyura. Ndi umwuzukuru wa Rwakagara wo kwa Rubuga Inkomoko ya Yesu Umwana w’Imana”.

Bishop King Nzamba yahamirije InyaRwanda.com aziyamamaza mu matora y’ubutaha ya Perezida wa Congo. Ati “Niteguye kwiyamamaza mu matora ya Perezida wa Congo DRC y’ubutaha ndetse maze hafi amezi 3 ndi mu masengesho nsengera abaturage mpereye ku banzi b’abanyamulenge muri Congo ngo ari bo bazantora bwa mbere”.

Bishop King Nzamba yavuze ibyo yakora aramutse abaye Perezida wa Congo, atangaza ko yafata ubutaka bw’u Rwanda bwometswe ku bwa Congo mu gihe cy’Ubukoroni akabusubiza u Rwanda. Mu 1885 mu gukata imipaka ya Afurika mu nama yabereye i Berlin, u Rwanda ruri mu bihugu binyuranye byatakaje ubutaka aho rwatakaje igice kinini cyUburengerazuba giherereye muri DRC. 

Uyu muhanzi ushaka kuzaba n’umunyapolitiki, avuga ko icyo gice cy’u Rwanda yaharanira ko gisubira ku ruhande rw’u Rwanda. Ikindi yakora ni ugusubizaho ingoma ya Cyami akavanaho ubu Perezida. Ati “Ibyo nzakora nagiriwe icyizere cyo kuyobora igihugu ni ukwimakaza Ubwami mu gihugu, ngakuraho iby’ubu Perezida, buri bwoko bukagira Umwami ubuyoboye. Njye rero naba ndi King Nzamba, nongeyeho irya Bishop ari we Mwami Mukuru;

Abamikazazi bo nta mubare bazagira kugira ngo ndusheho kwagura umuryango no gukorera Imana. Abaturage bavuga Ururimi rw’Ikinyamulenge bose bagomba guhabwa itegeko ryo gushaka abagore barenga umwe ariko abafite ubushobozi gusa bubatunga kuko twapfushije inzirakarengane nyinshi mu minsi ishize. Ikindi nakora ni uko natanga u Rwanda rwatwawe na Congo kugira ngo turusheho kubaka umubano wa ba sogokuruza”.

Bishop King Nzamba yakoze mu nganzo atabariza abana b’imfubyi

Bishop King Nzamba arashaka kuba Perezida wa Congo agasubiza u Rwanda ubutaka bwarwo bwometswe kuri Congo

King Nzamba akunda kwiyita ‘Umwana w’Umwega’

Kemi Sera umukunzi wa King Nzamba

Bishop King Nzamba avuga ko ari ‘Murumuna wa Yesu’

Bishop King Nzamba ashavuzwa n’ubuzima abana b’imfubyi babamo

Inkuru ya Inyarwanda

Related post

Leave a Reply

Your email address will not be published. Required fields are marked *