Bizimungu Jimmy wamenyekanye muri Ambassadors of Christ yashyize hanze indirimbo ya mbere y’amashusho

 Bizimungu Jimmy wamenyekanye muri Ambassadors of Christ yashyize hanze indirimbo ya mbere y’amashusho

Bizimungu Jimmy wamenyekanye cyane muri Ambassadors of Christ  yashyize hanze indirimbo y’amashusho yise ‘Wambereye Papa’ ni ndirimbo ifite ubutumwa ko ntaho Imana itakura umuntu.

Bizimungu Jimmy umwe mu bahanga bamenyekanye cyane mu ndirimbo zitandukanye za Ambassadors of Christ, kuko akiri mu Rwanda yari umuyobozi w’indirimbo muri Ambassadors of Christ,  ubu ari gukorera umuziki we muri Leta zunze ubumwe z’Amerika.

Bizimungu Jimmy asigaye akorera umuziki we muri Amerika

Bizimungu Jimmy yatangiye gukora indirimbo zek u giti cye, aho amaze gushyira hanze indirimbo zigera muri enye. Harimo: “Tugiye gutaha , Narababariwe, Humura ndetse na Wambereye Papa”iyi ndirimbo ye nshya yayifatanyije na Precious Nina Mugwiza akaba ariyo ndirimbo ya mbere akoreye amashusho.

Bizimungu Jimmy,yabwiye, NKUNDAGOSPEL ko ari indirimbo ibwira abantu ko ntago Imana itakura umuntu kuko ari ntanaho itageza umuntu.

Ati “Ubutumwa burimo nuko ntaho Imana itakura umuntu nta naho Itageza umuntu.ubuzima bwose umuntu arimo Imana ntabwo akwiriye kwiheba kuko Imana ifite byose.”

Yakomeje avuga ko hari impamvu yatumye aririmba iyi ndirimbo yashaka gushima Imana kubyo yamukoreye,kandi akaba arimo gukora izindi ndirimbo.

Ati “Icyatumye nandika iyi ndirimbo ‘Wambereye Papa’ ni ugutanga Ishimwe ku Mana kubyo yankoreye mu buzima bwanjye. gahunda mfite ni ugukora cyane mbifashijwemo n’Imana.Mfite izindi ndirimbo ndimo gukora kandi nziza.”

Bizimungu Jimmy yatangiye kuririmba akiri umwana kubera ko Papa we yari umwigisha w’abaririmbyi. akura akunda kuririmba  cyane. yakomeje kuririmba mu ma korali mu mashuri. Muri 1999 nibwo yinjiye muri Ambassadors of Christ aba umuririmbyi kandi kandi ubikunze cyane.

Nyuma yatowe bw’ambere kuba umwe mu batoza muri Ambassadors, ari nabwo yatangiye gutoza ama korali  atandukanye mu Rwanda. Yimukiye muri Amerika muri 2018. atangira gukora indirimbo ze bwite  nka Tugiye gutaha, Humura, Narababariwe, ndetse na Wambereye Papa, atangira gutumirwa mu bitaramo bitandukanye, muri Leta zitandukanye nka Texas, Arizona, Oregon, Kentucky n’ahandi. yakoze video y’indirimbo ya Wambereye Papa muri uyu mwaka 2021 akaba aimo gutegura n’izindi.

REBA HANO INDIRIMBO NSHYA “WAMBEREYE PAPA” ya Bizimungu Jimmy

Related post

1 Comment

  • Imana ikomeze igushyigikire bro kdi humura uzagera ku cyo ushaka . I didnt know you left Rwanda and you are already excelling in your carreer. Be blessed brother he who started a good work in you will acomplish it.love you

Leave a Reply

Your email address will not be published.