Bosco Nshuti: Mbere gato y’ubukwe bwe abanje gutaramira abakunzi be

 Bosco Nshuti: Mbere gato y’ubukwe bwe abanje gutaramira abakunzi be

Umuhanzi Bosco NSHUTI ukundwa n’abatari bake mu bakurikira indirimbo zihimbaza Imana yashyize hanze amataliki y’igitaramo agiye gukora mbere y’ubukwe bwe buzaba mu gushyingo.

Bosco NSHUTI yamenyekanye mu ndirimbo Ibyo Ntunze, Ni Muri Yesu, Inyembaraga, Ndumva Unyuzuye ndetse n’izindi nyinshi yagiye akora mu bihe bitandukanye zikanyura abazumvise.

Nyuma y’igihe kirekire adataramira abakunzi be mu buryo bwihariye, ubu Bosco yateguye igitaram yise ‘Unconditional Love Live Concert’ kizaba kuwa 30 z’ugushyingo 2022 (30/10/2022) muri Camp Kigali.

Mu butumwa yageneye itangazamakuru yavuze ko intego yicyo giterane ari ukuvuga urukundo rw’Imana gusa, yagize ati “Igitaramo ‘Unconditional Love’ tuzavugamo urukundo gusa Imana yadukunze nta kindi”. Bosco Nshuti yakomeje anakomoza ku nkomoko yo kwita iki gitaramo ‘Unconditional Love’, yagize ati “Imana yadukunze tukiri abanyabyaha, nta kiguzi twatanze ngo Imana idukunde ahubwo yadukunze tukiri babi kuro Imana ari urukundo”

Iki gitaramo Bosco Nshuti agiteguye mu gihe hashize iminsi 18 gusa yerekanye umukunzi we bitegura kurushinga. Ni ubukwe buzaba kuwa 12 na 19 ugushyingo 2022.

Bosco Nshuti ari gutegura igitaramo yise Unconditional Love

Related post

Leave a Reply

Your email address will not be published.