Video:Bryan Lead yasohoye indirimbo nshya yakubera isengesho ryiza muri uyu mwaka

 Video:Bryan Lead yasohoye indirimbo nshya yakubera isengesho ryiza muri uyu mwaka

Umuhanzi nyarwanda uririmba kandi akandika indirimbo zo kuramya no guhimbaza Imana, Niyitegeka Bryan, ukoresha izina ‘Brayan Lead’ muri muzika yashyize hanze indirimbo ye nshyashya yise ‘Data wa twese’ irimo isengesho riboneka kuri Matayo 6:9-13.

Mu kiganiro yagiranye n’umunyamakuru wa Nkunda Gospel, Bryan Lead yatangaje ko icyamuteye kwandika iyi ndirimbo ari uko ari mu gihe yifuza kwegera Imana cyane. Yagize ati:

“Ubusanzwe iri ni isengesho rikoreshwa n’amatorero hafi ya yose mu’isi ryanditse muri Matayo 6:9-13,muri Bibiliya.Yesu hano yigishaga intumwa uko zikwiye gusenga.” Yakomeje agira ati:

“Impamvu yatumye nkora iyi ndirimbo nuko nifuzaga ko uyu mwaka negerana n’Imana kurusha ibihe byose nabayeho mu’isi. Niwumva umusozo w’iyi ndirimbo uravuga uti: Rek’Ubwami bwawe buze ubushake bwawe bube Amen!”

“Ijambo ry’Imana riravuga riti: Nuko aho Uwiteka ari haba ubuzima, ntanzara, ntabukene, ntakwiganyira, ntabyago, ntakurimbuka. Mu buturo bw’Imana haba Ibyishimo, umunezero,gukira indwara, umutuzo, n’ibindi. Bityo ndifuza ko ariko uyu mwaka uzambera.”

Bryan Lead yakomeje agira ati:

“Mu buryo rusange icyatumye nandika iyi ndirimbo kwari kwibutsa abantu n’amahanga yose ko Yesu Krisito ari ‘Data wa twese’, si uwa bamwe, nawe ni uwawe. Wamubwira akakumva kandi akagusubiza.Hari abantu bamaze kwiciraho iteka nifuzaga kwibutsa abo bantu ko nta cyaha kiruta imbabazi z’Imana. Imana iradukunda ikadukundira no mu ntege nke. Icyo idushakaho ni kimwe, ni ukuva mu bidatunganye tukayibwiza ukuri nayo yiteguye kutubabarira ikatweza tukagaruka mu mubare w’abana ba yo.”

Ubusanzwe Bryan Lead ni umukristu mu itorero rya Zion Temple, Kimironko Community Parish. Yavukiye mu muryango w’ababaririmbyi ndetse n’abacuranzi akura bamujyana mu ishuli ryo ku cyumweru, mu makorari y’abana. Yatangiye kwiga kuririmba no gucuranga akiri umwana maze agira n’amahirwe ajya kubyiga mu buryo bw’umwuga ubwo yari asoje amashuri yisumbuye.

Usibye kuba ari umuririmbyi,umwanditsi akaba n’umucuranzi wa piano, gitari ndetse n’ibindi bikoresho bya muzika, uyu muramyi kandi ni umwe mu batunganya umuziki, (producer).

Related post

Leave a Reply

Your email address will not be published. Required fields are marked *