Byinshi ku buzima bwa Sr Immculée Uwamariya wamamaye mu butumwa buhumuriza n’ubwubaka umuryango.

 Byinshi ku buzima bwa Sr Immculée Uwamariya wamamaye mu butumwa buhumuriza n’ubwubaka umuryango.


Leonidas MUHIRE

Sr Immaculee UWAMARIYA ni umwe mu babikira bazwi cyane mu Rwanda no muri kiliziyaa gatolika by’umwihariko ahanini bitewe n’ubutumwa asangiza abantu bwuje ihumure no kubakomeza ndetse n’ikigo yashinze gitanga inama zubaka umuryango cyane abashakanye. Mu rugendo rw’imyaka irenga 20 asezeranye kwiyegurira Imana hari ibyamugoye mu muhamagaro we ndetse n’impamvu yahisemo uwo muhamagaro.

Sr Immaculée UWAMARIYA ni umubikira w’umubernaridini wavutse mu mwaka w’1970 akaba amaze imyaka 24 yiyeguriye Imana. Akorera ubutumwa bwe mu kigo cya College St Bernard i Kansi muri diyosezi gatulika ya Gikongoro mu karere ka Nyaruguru. Urugendo rwe rwo kwiyegurira Imana yarutangiye mu mwaka w’i1992 ariko yakoze amasezerano yo kwiyegurira Imana mu mwaka w’1997. Yavukiye i Jali ya Gasabo mu mugi wa Kigali.


Asoje amashuri yisumbuye yari afite akazi muri Minisiteri y’Abakozi ba Leta n’Umurimo ariko ahitamo gusiga byose harimo umuryango inshuti n’abashaka ko ababera umukunzi yiyemeza kwiyegurira Imana. We ubwe yivugira ko bitamworoheye kumvisha abantu ko yahisemo kwiyegurira Imana bityo bamwe bababazwa no kubona yemeye kuva mu muryango we akagenda.
Akigera mu kigo cyamutozaga kuba umubikira, Sr Immaculée avuga ko bitamworoheye kwisanga mu buzima bwo kuba mu kigo umwanya wose nta guhura n’abandi bantu nk’uko yari asanzwe abimenyereye mbere ku buryo yageze n’aho ashaka gucika intege ngo abivemo. Ati: “Ubwo rero ibyo byose byagiye rimwe na rimwe umuntu akibaza nti ‘Ese ubu koko uyu ni umuhamagaro wange cyangwa si wo?’ Hari igihe rero cyageze numva nanjye ngiye kwitahira, numva birananiye… Ndagenda rero njya mu rugo twari tugiye muri vaccance y’ukwezi mfata iminsi yo gusenga hanyuma mfashe iminsi yo gusenga numva ijwi mu mutima rimbwira ngo ni ngewe waguhamagaye kandi ngewe sindaguhemukira bibaho”. Nyuma ya Jenoside yakorewe Abatutsi mu w’1994 amaze imyaka ibiri mu atangiye urugendo rwo kwiyegurira Imana abarokotse bo mu muryango we bongeye kumva ko atari akwiriye kuba umubikira ko ahubwo yakabaye yubaka urugo akagura umuryango wari wariciwe muri jenoside ugasigaramo bake ariko nabyo ntibyamuciye intege yarakomeje.


Sr Immaculée ni n’umubikra wita ku muryango by’umwihariko aho mu mwaka wa 2012 yaje gushinga ikigo kitwa ‘Famille Espérance’ gitanga inama zinyuranye zubaka umuryango cyane cyane abashakanye. Avuga ko iki gitekerezo yakigize nyuma yo kubona ko umuryango mugari wugarijwe n’ibibazo by’isenyuka ry’ingo zitamaze kabiri ku bwo kutubakira ku Mana. Nyuma y’imwaka itatu ashinze icyo kigo rero yaje no kugenera ubutumwa bwanditse abagana icyo kigo bazajya batahana buri munsi ari nabwo anbantu bakunze gukwirakwiza ku mbuga nkoranyambaga zitandukanye. Mu Nama ya 17 y’Igihugu y’Umushyikirano yabayemumpera za 2019, Sr Immaculée yatanze ikiganiro ku bibazo byugarije umuryango mu Rwanda ndetse n’uruhare rwe mu myubakire y’ingo ziboneye.

Sr Immaculée yitabiriye Iama ya 17 y’Igihugu y’Umushyikirano
Yashinze umuryango witwa ‘Famille Espérance’

Related post

1 Comment

  • Bjr Leo. Courageux mon fils , tu fais le meilleur vraiment. Kandi turagushigikiye

Leave a Reply

Your email address will not be published.