Couple ya Ben & Chance n’iya Rene &Tracy bakoze indirimbo nshya yitwa “Urupfu”

 Couple ya Ben & Chance n’iya Rene &Tracy bakoze indirimbo nshya yitwa “Urupfu”

Amatsinda abiri y’abahanzi nyarwanda baririmba indirimbo zo kuramya no guhimbaza Imana, Ben & Chance na Rene & Tracy bahuje imbaraga bakora indirimbo iryoheye amatwi bise “Urupfu” igaragaza agahinda umwami Yesu yanyuzemo kugira ngo acungure umuntu.

Iyo ndirimbo itangira igira iti:” Urupfu rubabaje n’igikombe gisharira, umusaraba w’isoni ibyo nibyo byankijije…njyewe munyabyaha wagomeye Imana mpabwa imbabazi.”

Mu inyikirizo y’iyi ndirimbo aba bahanzi batura amagambo yo gushima Yesu ko yabakijije. Batangira iyi nyikirizo baririmba bati:

” Yesu weee shimwa ko wankijije.”

Mu gice cya kabiri bararirimba bati:” Nahoze ndi imbata y’ibyaha nsinzwe n’urubanza rwose ndetse umunsi ku wundi nigaraguraga muri byo, nagotomeraga ibyaha nk’umuntu unywa amazi meza naje kumurikirwa menya Yesu ankiza ibyaha.”

Iyi ndirimbo yakunzwe n’abatari bake ndetse banabibabwira ku rubuga rwa YouTube ko ari nziza, dore ko mu masaha 20 gusa ikimara gushyirwa kuri YouTube yarebwe n’abarenga ibihumbi 25.

Kanda hano urebe iyo ndirimbo nshya

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *