Couple y’umucuranzi Nzungu na Fari bagiye gushyira hanze indirimbo irimo ubukwe bwabo

 Couple y’umucuranzi Nzungu na Fari bagiye gushyira hanze indirimbo irimo ubukwe bwabo

Umucuranzi Nzungu wamenyekanye cyane kubera gucuranga neza injyana yo guhimbaza Imana izwi nk’igisirimba agiye gushyira hanze indirimbo ikubiyemo ishimwe  kubw’ibyo Imana yabakoreye we n’umugore we nyuma y’igihe cy’amezi 2 basezeranye kubana imbere y’Imana n’imbere y’amategeko.

Nzungu n’umufasha we Fari

Izina ‘Nzungu’ ni izina rimaze kumenyekana cyane mu matwi y’abakunda indirimbo ndetse n’umuziki uhimbaza Imana muri rusange. Uyu mucuranzi umaze amezi abiri asinyiye kubana na Nasafari Nahumure  ‘Fari’, uwo umutima we wakunze kuruta abandi, ntiyigeze yicaza impano ye kuko ari mu myiteguro yo gushyira hanze indirimbo yise “Thank You Lord”, indirimbo izaba igaragaramo umufasha we Fari.

Ku munsi w’ubukwe bwabo batunguwe na Aline Gahongayire

Mu kiganiro na Nkundagospel, Nzungu yabajijwe niba we n’umugore we bagiye kujya baririmba nka couple nkuko tubona izindi couple zimwe na zimwe zibikora, yasubije agira ati: “Ntabwo tugiye kuzajya turirimba twembi, Thank You Lord, ni indirimbo twakoze kugirango dushime Imana kubw’ukuntu yabanye natwe mu bihe by’ubukwe.” Akomeza agira ati: “Umugore wanjye ntabwo ajya aririmba, si umuhanzi, ni umuntu unshyigikira k’umurimo Imana inkoresheje haba mu kuririmba cyangwa mugucuranga.”

Indirimbo yabo izaba irimo ibyo mutabonye mu bukwe bwabo

Umucuranzi Nzungu abajijwe kucyo abantu bakwiye kwitega muri iyi ndirimbo nshya yagize ati “Indiirmbo Thank You Lord, ni indirimbo yo gushima Imana kubw’ibyo ikora, ni indirimbo izaba irimo amashusho agaragaza uko ubukwe bwacu bwagenze kubatarabashije kubureba ndetse n’ibindi ntabashije.”

Nahumure ‘Fari’, umufasha wa Nzungu

Asoza ikiganiro yagiranye na Nkundagospel, Nzungu, yabwiye abakunzi b’umuryango wabo mushya ko ubu biteguye gukorera Imana kandi kuba yarabonye umugore mwiza ari umugisha ukomeye cyane kubw’inama nziza n’ibitekerezo amwungura umunsi ku munsi.

Nzungu ashima Imana ko yabonye umujyanama mwiza

Uyu Mucuranzi kandi asanzwe abarizwa no mu itsinda ry’abavandimwe, United Brothers, rikora umuziki wo kuramya no guhimbaza Imana. Indirimbo zabo bazicisha kuri YouTube, uzibona wanditsemo United Brothers.

Itsinda ry’abavandimwe, United Brothers
Integuza y’indirimbo nshya ya Nzungu na Fari

Related post

Leave a Reply

Your email address will not be published.