Ese ibya CANO byarangiye bite? Amakuru ya Vestine na Dorcas ubu ni ayahe?

 Ese ibya CANO byarangiye bite? Amakuru ya Vestine na Dorcas ubu ni ayahe?

Vestine na Dorcas bamaze gufata imitima ya benshi kubera kuririmba neza  indirimbo zihimbaza Imana. Ni nyuma yuko bamaze gushyira ahagaragara indirimbo eshatu zakunzwe na Benshi “Adonai”, “Papa” ,“Nahawe ijambo”.

Nyuma yaho indirimbo ziri kuri YouTube zose za Vestine na Dorcas buri imwe imwe imaze kurebwa nabarenga Miliyoni, mu minsi itari myinshi batangajeko basohora indi ndirimbo nshya bise IBUYE, ni indirimbo ishobora kuzaba iri munjyana idasanzwe nkuko byagiye bigaragazwa n’ubahagarariye (Manager), Irene MURINDAHABI unyuze kurukuta rwe rwa Instagram.

Vestine na Dorcas ubu bari gukorana na MIE mu buryo bwemewe n’amategeko

Ni nyuma y’amagambo ndetse na mahane menshi yibyabaye bikavukamo ikimeze nko kutumvukana hagatai ya Irene n’aba bana ba Vestine na Dorcas , kuri ubu basinyanye amasezerano na MIE amasezerano y’igihe kirekire bakorana na MIE(M&Irene Empire).

Aya masezerano yashyizweho umukono kuri uyu wa Mbere tariki 2 Kanama 2021, mu Karere ka Musanze mu Ntara y’Amajyarugu aho umuryango w’aba bahanzikazi utuye.

Murindahabi Irénée umujyanama wa Vestine na Dorcas yatangaje , ko aya masezerano yafashe umunsi wose kuko byamusabye kujya i Musanze ari kumwe n’umunyategeko we bafata umwanya wo kubanza kuganiriza umuryango w’aba bakobwa ibi bikubiye mu masezerano n’inyungu zirimo.

Irene umujyanama wa Vestine na Dorcas yatangaje ko hagiye gusohoka indirimbo yitwa “Ibuye”

yavuze ko ibikubiye mu masezerano impande zombi zagiranye bitemerewe kubitangaza, ariko ko buri ruhande rwashyize umukono ku bintu rwemera kandi ruzashyira mu bikorwa.

Aya masezerano yashyizweho umukono na Nyina [Uzamukunda Elisabeth] wa Vestine na Dorcas nyuma y’uko abiherewe uburenganzira n’umugabo we.

Ishimwe Vestine Taricy yavutse tariki 2 Gashyantare 2004, ubu yiga mu mwaka wa kane w’amashuri yisumbuye. Kamikazi Dorcas we yavutse ku wa 28 Kamena 2006. Yiga mu mwaka wa gatatu w’amashuri yisumbuye, bombi bavuka kuri Uzamukunda Elizabeth na Nizeyimana Mazimpaka.

Bavuka ari batandatu mu rugo iwabo, harimo abakobwa bane n’abahungu babiri. Baririmba muri Goshen Choir y’i Musanze.

Batangiye kuririmba ku giti cyabo mu 2018 ariko ubu ni bwo babashije gushyira hanze indirimbo yabo ya mbere. Guhera umwaka ushize ni bwo bakoranaga na M. Irene Entertainment y’umunyamakuru Murindahabi Irénée wa ISIBO TV.

Related post

Leave a Reply

Your email address will not be published. Required fields are marked *