Ese koko kubeshya ku itariki ya 1 Mata ntago ari icyaha?

 Ese koko kubeshya ku itariki ya 1 Mata ntago ari icyaha?

Mu mico y’abatuye isi hirya no hino bagira iminsi mikuru itandukanye bakagira n’uburyo butandukanye bayizihizamo bitewe n’impamvu zitandukanye nk’ibyo iyo minsi ibibutsa, kuba iyo minsi ihuriweho na benshi ku isi n’izindi zitandukanye. Iyo minsi mikuru ishhobora kuba ari iminsi yashyizweho na za leta ikaba iri no mu ndangaminsi rusange mu gihugu runaka ariko hari n’iba yarashyizwehon n’imyemerere runaka cg amadini anyuranye hakaba n’aho usenga leta n’amadini hose uwo munsi wizihizwa.

Na none ariko hari n’iminsi mikuru ishyirwaho n’amatsinda y’abantu runaka ndetse n’Imiryango Mpuzamahanga. Iyi minsi mikuru yose icyo ihuriraho ni ibyo yibutsa abayizihiza kandi mu buryo bihuriweho. Ariko se itariki ya 1 Mata ifatwa nk’umunsi wo kubeshya yaje ite, yemejwe na nde, yatangiye ryari? Ese ubeshye kuri iyo tariki koko ntaba akoze icyaha?

Tugarutse ku kibazo twatangiye twibaza rero, duhere ku mateka y’uyu munsi. Umunsi wamenyekanye nk`umunsi wokubeshya ni umunsi mu Cyongereza bise ‘April Fools Day’ cyangwa ‘Poisson d’Avril’ mu Gifaransa. Tugenekereje mu Kinyarwanda byaba bivuze ‘Umunsi w’Ibigoryi’ uba mu kwezi kwa kane gusa twivugira ko ari umunsi wo kubeshya uba buri tariki ya 1 Mata. Akenshi usanga urangwa n’ibiganiro by’urwenya no gusetsa, gusebanya ndetse no gukwirakwiza ibihuha ariko bigamije gushimisha n’ubwo n’abo bishobora kurakaza ahubwo.

Ujya usanga na bimwe mu bitangazamakuru bitangaza amakuru atari yo mu rwego rwo kwizihiza uwo munsi. Mu bihugu bimwe na bimwe usanga n’abana bato bawizihiza aho bafata ibishushanyo by’amafi bikoze mu mpapuro cyangwa ibindi bintu bisekeje bakabyomeka mu migongo y’abantu batabizi kugira ngo babone uko babaseka cyangwa babakoza isoni.

Uyu munsi n’ubwo wamemaye cyane uhereye mu kinyejane cya 19, si umunsi mukuru wemewe na leta n’imwe nk’umunsi mukuru ndetse no mu miryango inyuranye hamwe n’amadini ni uko. Ibi bituma uyu munsi usa n’aho utera urujijo! Amateka ntavuga rumwe ku nkkomoko y’uyu munsi, Inkoranyabumenyi ya ‘Encylopaedia Btitannica’ ivuga ko uyu munsi ufitanye isano n’iminsi mikuru y’Abaromani yitwaga ‘Hiralia’ aho iyo minsi yari yarahariwe bimwe mu bigirwamana byabo bikuru ukaba warabaga ku wa 25 Werurwe aho gukoresha ibinyoma, amakabyankuru n’ibihuha byabaga byemewe. Gusa hari n’zindi nyandiko zivuga ko uyu muco w’ibinyoma watangiye mu gihe cy’Ubwami bw’Abaromani ubwo itsinda ry’abanyarwenya n’ababeshyi ryabwiraga Umwami w’Abami w’Abaromani Constantino ko bashoboraga kuyobora neza igihe bari kuba bagizwe abami. Icyo gihe umwami byaramushimishije maze yemerera umunyarwenya witwaga Kugel kuba umwami umunsi umwe gusa.Kugel ahita aca iteka ryo gusetsa kuri uwo munsi, maze uwo muco uhita ugirwa ngaruka mwaka gutyo.

Nk’uko twatangiye tubyibaza niba kubesha kuri uyu munsi byaba ari icyaha, si ibyo gushidikanywaho rwose kuko uretse n’ibibazo ushobora kugirana n’uwo wabeshye n’amatageko ya leta ashobora kugukurikirana bitewe n’ibyo wabeshye. Igitabo Nyobokamana gifite imirongo myinshi rwose idashyigikira kubeshya uko ari ko kose. Mu Migani (6:16-19) hagira hati: ”Hari ibintu bitandtandatu Uhoraho yanga, hakaba na birindwi bimutera ishozi. Ni ibi bikurikura: amaso y’agasuzuguro, akarimi kabeshya, ibiganza bimena amaraso y’umwere, umutima wiga imigambi y’ubugome, intambwe zikatarije ikibi, uwo batanzeho umugabo akemeza ibinyoma n’uwigira gashoza ntambara mu bavandimwe”.

Muri Zaburi(101:7) naho hagira hati: ”Umuntu wazobereye mu kubeshya nta kicaro azagira mu nzu yange, umunyabinyoma na we, ntazantunguka mu maso”. Iyi mirongo n’indi myinshi na mwe mushobora kwisomera iraduhamiriza ko iyi tariki ya 1 Mata itaduha uburenganzira bwo kwijandika mu binyoma ariko kandi n’ingarka bigira zishobora kuba mbi bitewe n’ibyo wabeshye. Ntibikwiye ko hari ushukwa n’iyi tariki ngo atangirane ukwezi n’ingaruka z’ibyo yabeshye.

Related post

Leave a Reply

Your email address will not be published. Required fields are marked *