“ETEFOP TVET ni ishuri rya Kiliziya Gatolika rifite ubuhanga, ubwenge n’ubwema ndabarahiye”-Padiri Turikumwenayo

 “ETEFOP TVET ni ishuri rya Kiliziya Gatolika rifite ubuhanga, ubwenge n’ubwema ndabarahiye”-Padiri Turikumwenayo

Umuyobozi w’ishuri ETEFOP TVET, Padiri Turikumwenayo Reverien ubwo yaganiraga n’umunyamakuru wa Nkundagospel yatangaje ko bakoze igihangano kigaragaza neza impamvu iri shuri ry’Ubumenyingiro riherereye mu mujyi wa Musanze, i Yaounde, ari ishuri ryuje ubuhanga, ubwenge ndetse n’ubwema.

Muri icyo gihangano gisingiza ETEFOP TVET cyitwa ngo ‘Iyi ni ETEFOP’, cyakorewe muri Universal Records, kwa Emmy Pro, harimo amagambo agira ati:

“Ntereye amaso ndeba i Musanze, i Yaounde, hariya Cyabagarura, i yee n’abandi nimuze, mparabutswe ishuri rifite ubuhanga, ubwenge n’ubwema ndabarahiye, basangirangendo muze murebe ibyo mvuga ko ari byo mubona. Aho ngaho ni hehe we, iyi ni ETEFOP ishuri ry’imyuga rifite ubuhanga n’ubushobozi, abarimu baryo ni intyoza, ubushobozi bwiza n’amashami menshi meza ajyanye n’icyerekezo koko hari impamvu, ni mu gihe koko iyi ETEFOP mvuga ni ishuri rya Diyosezi Gatolika Ruhengeri nziza iharanira ko ireme ry’uburezi ritera imbere. Ishuri koko ry’ubumenyingiro Electronic ni ho ibarizwa, Ubudozi, Ububaji n’Ubusudizi birimo ubuhanga, eeh n’abandi nimuze mwigireho iyi ni ETEFOP.”

ETEFOP TVET ni ishuri rya Diyosezi Gatolika ya Ruhengeri ryashinzwe mu mwaka w’2009, rikaba ryigisha imyuga n’ubumenyingiro mu mashami 8: Ubukanishi (Automobile technology), Ububaji (Wood technology) Ubutetsi mu mahoteli (Hotel Operations), Ubusudizi (Welding), Ubwubatsi (Construction building), Ubudozi (Fashion Design) n’ibijyanye n’Ikoranabuhanga harimo Itumanaho, (Networking) na Electronics. 

Iri shuri ryakira abanyeshuri mu byiciro binyuranye harimo abiga igihe gito guhera ku mezi atatu, atandatu ndetse n’umwaka (Short courses training). Ryigisha kandi n’abifuza kwihugura mu gihe kire kire TVET program mu gihe cy’imyaka itatu (Level 3-5). Ishuri rifite ubushobozi bwo kwakira abanyeshuri bagera kuri 600. Bacumbikiwe n’ishuri mu rugo ruyobowe na Padiri, umuyobozi w’ishuri ndetse bakagira n’umwihariko wo kwakira abiga bataha mu nkengero z’ishuri.

Abana bakora ingendoshuri mu rwego rwo kuzamura imyigire no guhuza ubumenyi n’isoko ry’umurimo. Ishuri rifite umwihariko wo guhuza ishuri n’abikorera basura ibigo bikomeye harimo amahoteli, amagaraji, amashuri, inganda ndetse byose bigakorerwa mu mubano mwiza ishuri rifitanye n’abafatanyabikorwa bakomeye: Misereor-BEGECCA… (mu Budage), DIOCESE RUHENGERI, UNESCO, INES RUHENGERI, IPRCs, RTB ndetse n’abandi.

Muri ibyo byose ishuri ribafitiye abanyeshuri bifuza gushyira ahagaragara impano zabo no kugeza ku bakunzi baza bagana ishuri ibihangano binyuranye. Muri byo ishuri rishyigikira impano zinyuranye z’abana bahiga aho mu mikino n’imyidagaduro ishuri rihagaze neza mu ruhando rw’andi mashuri no ku rwego rw’igihugu ntirihatangwe.

Kanda hano urebe iyo ndirimbo

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.