Hafashimana Jean Claude yashyize hanze indirimbo ya SINODE

 Hafashimana Jean Claude yashyize hanze indirimbo ya SINODE

Hafashimana Jean Claude, umwe mu bahanzi babarizwa mu muziki wo gusingiza Imana, cyane muri Kiliziya Gatolika, yashyize hanze indirimbo ya SINODE, yifashishije isengesho rya Nyiricyubahiro Musenyeri  Vincent Harorimana, Umushumba wa Diyosezi ya Ruhengeri.

Iyi ndirimbo yitwa “Tuje Imbere Yawe Roho Mutagatifu” irimo amagambo agira ati:

“Twunze ubumwe mu izina ryawe,

Wowe mujyanama wacu wenyine

Ngwino ugumane natwe, uture mu mitima yacu.

Twigishe inzira dukwiye kunyura,

Twigishe n’uburyo dukwiriye kugendera hamwe,

Twe abanyantege nke n’abanyabyaha ,

Uturinde kuba intandaro yo kubusanya.

Ntutume ubujiji butujyana mu nzira mbi,

Cyangwa ngo tubogamire mu nyungu zacu,

Duhe kubonera ubumwe bwacu muri wowe,

Tudatatiye inzira y’ukuri n’ubutabera,

Tugendere hamwe tugana Ubugingo bw’iteka.

Turabiguabye wowe ukorera hose n’igihe cyose,

Mu bumwe bw’Imana Data na Mwana,

Uko ibihe bisimburana iteka. Amen.”

Ubusanzwe, SINODE ni ijambo ryakomotse mu Kigereki, ugenekereje risobanura “inzira imwe” cyangwa “gufatanya urugendo.” Binyuze muri iyi nzira ya SINODE, Papa Fransisiko arasaba buri wese gutekereza ku masengesho no kwigira hamwe uburyo Imana iduhamagarira kuba Itorero ryiza muri iki kinyagihumbi cya gatatu.

Hafashikmana Jean Claude ni umwe mu bahanzi batanga icyizere mu ndirimbo zihimbaza Imana, kuko abikora kinyamwuga kubera ko yize umuziki. Yavukiye mu Ntara y’Amajyaruguru, mu Karere ka Burera, mu Murenge wa Kinyaba. Hafashimana yiga mu mashuri abanza yayoboraga abandi bana kuri Parede,ibyo bikaba byaramufashije gutinyuka bituma atangira kuyobora indirimbo mu Kiliziya, mu mwaka w’1998 yiga mu mwaka wa gatandatu w’amashuri abanza aho yari umukarisimatike ashinzwe  komisiyo y’abana.

Umuziki we wagutse aho yatangiriye iseminaire 1998/1999 I Nkumba.Yinjiye mu bashinzwe kwigisha indirimbo ageze mu mwaka wa gatatu. Ari nabwo yatangiye guhimba indirimbo ya mbere.Yiga mu iseminari igihe cy’ibiruhuko yitabiriye amarushanwa menshi y’indirimbo cyane cyane z’ubuzima busanzwe.  

Yahimbye indirimbo zirata Umubyeyi Bikira Mariya harimo: Singizwa Mwamikazi Habw’impundu Mariya  Singizwa Bikiramariya Shimirwa Nyagasani  Inyange Bikira Mariya Nzashimira Uhoraho…..

Umuziki yawukomereje mu Iseminari Nkuru I Rutongo aho yari ashinzwe abigisha indirimbo.(Chef des Maitres des chants)2005. Aha yahahimbiye indirimbo nyinshi ariko iyamenyekanye cyane ni “Uhoraho” ari nayo abo biganaga bari baramwitiriye. Kuva 2005 kugeza 2010 yakomeje umuziki muri Kaminuza y’u Rwanda, CAVM. Aha yagiye ashingwa imirimo itandukanye, (DirecteurTechnique,Umuyobozi wa korali ndetse n’umwarimu w’indirimbo. Yahimbye indirimbo nyinshi ariko zitari iza Kiliziya, ahanini zikangurira abanyarwanda  Ubumwe n‘ubwiyunge,kurwanya Sida.

Kuva 2008 yinjiye muri Korali Ishema Ryacu aririmbamo kugeza uyu munsi ndetse anahagarariye komisiyo ishinzwe gutegura ibitaramo.

Iyi korali Ishema ryacu aririmbamo kandi iri gutegura igitaramo ngarukamwaka kizaba ku italiki 1 Mutarama 2023, hagamijwe kwifuriza abakunzi bayo umwaka mushya muhire.

Kanda hano urebe iyo ndirimbo

Korali Ishema Ryacu

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *