Idini Angilikani ryamaganye gahunda y’u Bwongereza yo kohereza abasaba ubuhungiro mu Rwanda

 Idini Angilikani ryamaganye gahunda y’u Bwongereza yo kohereza abasaba ubuhungiro mu Rwanda

Umuyobozi w’idini Angilikani akanaba Musenyeri wa Paroisse Cathédrale ya Canterbury mu Bwongereza, Justin Welby kuri uyu wa 19 Mata 2022 yamaganye Leta y’icyo gihugu avuga ko kohereza mu Rwanda abimukira n’abasaba ubuhungiro binyuranyije n’ugushaka kw’Imana. Iyi gahunda kandi yananenzwe n’Imiryango Mpuzamahanga y’Uburenzira bwa Muntu n’iyita ku Mpunzi.


Iyi nkuru yanditswe na byinshi mu binyamakuru haba ibyandika inkuru zisanzwe n’ibyandika ku Iyobokamana, twe twayisomye kuri ‘Vatican News’ aho ikomeza ko uyu muyobozi w’idini asanga kohereza abasabaga ubuhungiro imbere mu Bwongereza ariko bakaba bagiye kubuhabwa muri Afrika y’i Burasirazuba mu gihugu cy’u Rwanda ari ukutita kuri abo basaba ubuhungiro. Yavuze ko u Bwongereza nk’igihugu cyubakiye ku ndangagaciro za gikirisitu, “guteganya kwikuraho inshingano zacu byongeye mu gihugu kikiyubaka nk’u Rwanda, binyuranyije n’ugushaka kw’Imana”.

Ku wa kane w’icyumweru gishize ni bwo Minisitiri w’Intebe w’u Bwongereza, Boris Johnson yatangaje ko leta ayoboye yagiranye amasezerano n’u Rwanda yo kohereza bamwe mu bashakaga ubuhungiro mu Bwongereza mu gihe ubwo buhungiro buzaba bumaze gutunganywa. Johnson yashimangiye ko iki gikorwa kizaca intege abageragezaga kwinjirira ku mwaro w’inyanja baza mu gihugu ndetse n’abakoraga ubucuruzi bwa magendu.


Imiryango myinshi yita ku Mpunzi n’iy’Uburenganzira bwa Muntu yamaganye gahunda na yo yamaganiye kure iyo isobanura ko ari ukubura ubumuntu no gutakaza amafaranga y’abasoreshwa.

Itangazo ryashyizwe ahagaragara n’Ishami ryita ku Mpunzi ry’Abayezuwiti mu Bwongereza rivuga ko Iyo gahunda ya Leta Ari: “Ukwirengagiza ikiremwamuntu n’icyubahiro kigombwa” hatabayeho gusuzuma niba ibyo basaba bishoboka.


Umwaka ushize wonyine, abimukira barenga ibihumbi 28 binjiye mu Bwongereza binjiriye ku mwaro w’inyanja ya Atlantic. Benshi mu bapfiriye muri icyo gikorwa, harimo na 27 bapfuye mu Gushyingo ubwo ubwato bwari bubatwaye bwarohamaga.

Ayo masezerano yasinywe mu cyumweru gishize hagati y’u Rwanda n’u Bwongereza

Related post

Leave a Reply

Your email address will not be published. Required fields are marked *