Igiciro cyo guherekeza Israël Mbonyi mu gihugu cya Israël cyamenyekanye

 Igiciro cyo guherekeza Israël Mbonyi mu gihugu cya Israël cyamenyekanye

Urugendo rw’umuhanzi Israel Mbonyi mu gihugu cya Israel rugiye gusubukurwa nyuma y’umwaka ruhagaritswe kubera icyorezo cya Covid-19.

Muri Mata 2021, nibwo byari byitezwe ko Israel Mbonyi agomba gukorera urugendo muri Israel muri gahunda bise ‘Twende Jerusalem’. Uru rugendo rwasubitswe kubera ko ingendo zigana muri Israel zari zarasubitswe.

Ambasaderi wa Israel mu Rwanda Dr Ron Adam yavuze ko izi ngendo zasubukuwe nyuma y’uko ingendo z’indege muri iki gihugu zisubukuwe.

Urugendo rwa Israel Mbonyi ruzaba kuva tariki 16 kugeza 24 Mata 2022 aho uyu muhanzi n’itsinda ry’abacuranzi bazajyana bazakora ibitaramo bibiri bazahuriramo na Avraham Tal uri mu bakomeye muri Israel.

Ambasaderi Dr Ron Adam yavuze ko yizeye neza ko uru rugendo ruzafasha mu kwagura umubano hagati y’abaturarwanda n’abanya-Israel.

Ati “Twiteze ko uru rugendo ruzazamura imibanire hagati y’abaturage b’u Rwanda n’abo muri Israel nk’imwe mu nshingano za Ambasade ya Israel mu Rwanda. uru Urugendo turwitezeho guhuza urubyiruko rwo mu bihugu byombi mu buryo bwo gusangizanya imico yabo n’ubuhanzi mu rwego rwo kwagura ubuhanzi bwabo mu myaka izaza.”

Umuntu wese wifuza guherekeza Israel Mbonyi muri uru rugendo, arasabwa kwishyura 2800$ (miliyoni 2.8 Frw) . Amakuru menshi kuri rwo agatangwa binyuze Hano.

Muri aya mafaranga harimo igiciro cya Visa, itike y’indege, ibyo kurya n’icumbi n’ikiguzi cy’ubutembere muri Israel aho bazasura ahantu nka Jerusalem, Tel Aviv n’ahandi henshi.

Related post

Leave a Reply

Your email address will not be published.