Impinduka: Vestine na Dorcas igitaramo cyabo amataliki yahindutse

 Impinduka: Vestine na Dorcas igitaramo cyabo amataliki yahindutse

Impinduka: Vestine na Dorcas igitaramo cyabo amataliki yahindutse

Igitaramo ‘Nahawe Ijambo Album Launch Concert” cya mbere Vestine na Dorcas bagiye gukora cyahinduriwe amataliki ku mpamvu z’ubusabe bwa benshi ndetse n’izindi mpamvu zakubiwe mu itangazo ryashyizwe hanze nureberera inyungu zabo.

Ku itangazo ryashyizwe hanze ku gicamunsi cyo kuri uyu wa 20 nzeri 2022 rivuga ko amatiliki  y’igitaramo Nahawe Ijambo cya Vestine na Dorcas yigijwe imbere akaba 24/12/2022 aho kuba 18/12/2022 nkuko byari byatangajwe mbere na Murindahabi Irene urebera inyungu zaba bahanzi.

Muri iri tangazo iri ku mbugankoranyambaga zaba bahanzikazi, ritagangira rigira riti “Nyuma yo gusoma itangazo ryashyizwe hanze na Minisiteri y’Uburezi (Mineduc) ryageze ahabona kuwa 09-09-2022 risobanura ingengabihe ireba umwaka w’amashuri wa 2022-2023. Kandi hashingiwe ku busabe bwa benshi biganjemo urungano rw’abahanzi Vestine na Dorcas.Ubuyobozi bwa MIE bwanzuye kwimura italiki y’igitaramo “Nahawe Ijambo Album Launch Concert” cyagombaga kuba kuwa 18-12-2022 kikimurirwa kuwa 24-12-2022 hagamijwe imigendekere yacyo myiza.”

Ubuyobozi busoza iri tangazo busaba abakunzi baba bahanzi kwakira neza izo mpinduka no gutegerezanya amatsiko andi makuru ajyanye niki gitaramo nkuko bizagenda binyuzwa ku mbuga nkoranyambaga za MIE.

Vestine na Dorcas ni abahanzikazi batamaze igihe kinini bakora umuziki uhimbaza Imana ku giti cyabo ariko mu gihe gito bamaze indirimbo zabo zabaye ikimenyabose kubw’amagambo meza azigize ndetse n’uburyo zikoranye ubuhanga.

Mu myaka itararenga ibiri, aba bahanzi bamaze gushyira hanze indirimbo 6 gusa ari nazo bazaba bari kumurika ku mugaragaro mu gitaramo bazataramiramo abakunzi babo mu kuboza. Muri izo ndirimbo harimo ‘Nahawe Ijambo’, indirimbo ya mbere basohoye, ‘Arakiza’, indirimbo yabo iheruka hanze ndetse n’izindi.

Related post

Leave a Reply

Your email address will not be published.