Impundu mu muryango wa Papi Clever na Dorcas bibarutse ubuheta

 Impundu mu muryango wa Papi Clever na Dorcas bibarutse ubuheta

Umuryango (couple) umaze kumenyekana mu ndirimbo ziramya n’izihimbaza Imana cyane cyane izizwi nkizo mu Gitabo (Hymns), Papi Clever na Ingabire Dorcas bibarutse ubuheta.

Akenshi iyo umuntu abyaye usanga abantu bamwe bavuga bati “Nimwonkwe”, abandi bati “Musubireyo nta mahwa”, nibyo koko nta mahwa Papi Clever yigeze abonera mukwitwa umubyeyi kuko nyuma y’umwaka umwe bibarutse imfura yabo ubu bari mu mashimwe yo kwibaruka ubuheta bwabo.

Mu masaha y’iri joro ryo kuwa 30/10/2021 nibwo humvikanye inkuru nziza muri uyu muryango ko bibarutse umwana wabo wa kabiri uje akurikira imfura yabo, Ineza Oakylnn Clever.

Mu kiganiro Nkundagospel yagiranye na Papi Clever yahamije aya makuru adutangariza ko bibarutse umwana wabo wa kabiri w’umukobwa kuri uyu wa Gatandatu taliki ya 30/10/2021, uwo mwana yitwa Abeza Kylie Clever.

Hari hashize iminsi mike uyu muryango uri kwizihiza isabukuru y’amavuko ya Ingabire Dorcas, umufasha wa Papi Clever.

Kuwa 7 Ukuboza 2019 ni bwo Papi Clever na Dorcas basezeranye imbere y’Imana mu muhango wabereye muri Dove Hotel ku Gisozi mu mujyi wa Kigali.

Ubwo uyu muryango wibarukaga imfura yabo kuwa 28/08/2020, umuramyi Papi Clever yavuze amagambo akomeye ashima Imana kubwo guhinyuza umugambi wa Satani.

Yaragize ati “Satani ati n’ubwo ushatse ariko ntuzabyara, Imana iti ndakubakiye kandi nzaguha urubyaro. Uri Imana irinda ijambo wavuze, tukuvugirije impundu nyaguhora ku ngoma”

Papi Clever na Madamu we Dorcas bari mu bahanzi bakunzwe muri iyi minsi mu muziki wa Gospel. Bakunzwe mu ndirimbo zitandukanye zirimo; Amakuru y’umurwa, Icyampa ukanyikorerera, Ai Mana y’ukuri, Mana nduburira, Kubana na Yesu, Yanyishyuriye, Nabonye umukunzi mwiza, Uwo njya nikomezaho n’izindi nyinshi ziganjemo izo mu gitabo agenda akora mu buryo bufasha abantu benshi kurushaho gusabana n’Imana binyuze mu kuyiramya. Si ibyo gusa kuko bajya bacishamo bagasohora indirimbo ubwabo bahanze harimo nkizimaze kumenywa na benshi.

Urugero muri zo ni nka: Impamvu Zibifatika, Narakwiboneye, Uvuze Yego n’zind zitandukanye bagenda bashyira hanze. Izi zose hamwe n’izindi zabo uzisanga kuri Channel yabo ya YouTube.

Ubuheta bwa Papi Clever na Dorcas
Inggabire Dorcas, umufasha wa Papi acigatiye imfura yabo
Imfura yabo imaze amezi 2 yujuje umwaka
Kuwa 12/10/2021 bizihizaga isabukuru y’amavuko ya Ingabire Dorcas
Clever mu munezero mwinshi n’imfura ye Ineza
Umunsi basezeraniyeho kubana akaramata
Umunsi w’umunezero utazibagirana mu mateka yaba bombi
Wari umunsi uryoheye ijisho ubwo bakoraga ubukwe

Related post

1 Comment

  • Turabashimiye rwose imana ibahundagazeho imigisha yuburyo bwose.

Leave a Reply

Your email address will not be published.