Inkuru yo gutabaza: Yankurije Eugenie akeneye ubufasha bwihutirwa

 Inkuru yo gutabaza: Yankurije Eugenie akeneye ubufasha bwihutirwa

Umukobwa ufite imyaka 40 witwa Yankurije Eugenie aratabaza asaba abagira neza kumufasha kubona amafranga yo kwivuza kanseri y’amaraso amaranye imyaka 35.

Uyu mukobwa utuye mu Karere ka Rulindo, umurenge wa Base, Akagari ka Gitare, umudugudu wa Nyamugari avuga ko amaze imyaka 35 aryamye ahantu hamwe kuko adashobora no kwihindukiza.

Mu kiganiro aherutse kugirira kuri shene ya YouTube yitwa ‘Ubufasha Tv’ yatangaje ko ahora asenga Imana ngo azapfe mbere y’umubyeyi we witwa Nyirampazayabo Tereza ngo kuko umubyeyi we apfuye mbere ngo nawe ntacyo yakwimarira. Yagize ati:

“Mpora nsenga Imana ngo nzapfe mbere ya mama kuko apfuye mbere yanjye ntacyo nakwimarira.” Yarakomeje ati:

“Sinashobora kujya mu bwiherero ahubwo byaba kwihagarika ibyoroshye n’ibikomeye mbikorera hano muri ikicyumba mama akantegura, kuko njye ntacyo nshoboye.”

Ubwo twaganiraga n’umubyeyi we Nyirampazayabo yatangaje ko hari igihe cyageze benda kwicwa n’inzara ariko nyuma Imana igakoresha umudamu witwa Angelique Nyirahafashimana akajya abazanira ibyo kurya, gusa akavuga ko nubwo ikibazo cy’ibyo kurya cyakemutse ariko bakeneye amafaranga yo kumuvuza. Yagize ati:

“Angelique Nyirahafashimana na Tuyisenge Justine ndabashimira kuko ibyo ndya byose nibo babimpa ariko kandi nkeneye n’amafaranga yo kuvuza uyu mwana wanjye kuko arababaye cyane.”

Umugira neza wifuza gufasha Yankurije Eugenie yakohereza ubufasha bwe kuri 0788812744, amazina yanditseho ni Angelique Nyirahafashimana.

Related post

Leave a Reply

Your email address will not be published.