Israel Mbonyi agiye gukora igitaramo cyo kwinjiza abakunzi be muri Noheli n’ubunani

 Israel Mbonyi agiye gukora igitaramo cyo kwinjiza abakunzi be muri Noheli n’ubunani

Umuramyi umaze kubaka izina mu Rwanda ndetse no hirya no hino ku isi, Israel Mbonyi yemeje amakuru yo guha abakunzi be ibyishimo abinyujije mukubakorera igitaramo kizabera muri BK Arena, ku itariki ya 25 Ukuboza 2022.

Mu kiganiro aherutse kugirana na Inyarwanda, Israel Mbonyi yatangaje ko igitaramo kizabera mu nyubako y’imyidagaduro ya BK Arena, akavuga ko azafatanya n’abandi bahanzi bazatangazwa mu minsi iri imbere.

Ati “Mfite igitaramo kuri Noheli nzakora muri BK Arena, ariko hari ibyo tukiri gutegura.”

Uyu muhanzi avuga ko iki gitaramo yagishyize ku munsi wa Noheli, kugira ngo azafatanye n’Abanyarwanda gusoza neza umwaka.

Yagize ati “Numvise ari wo mwanya mwiza kugira ngo abantu basoze neza umwaka, bishimye bameze neza ku mutima, duhimbaza Imana.”

Uyu muhanzi uzwi mu ndirimbo zirimo ‘Umukunzi’, ‘Icyambu’ n’izindi avuga ko yagombaga gukora iki gitaramo mu kwezi kwa munani (Kanama 2022) abisubika ku munota wa nyuma.

Ati “Mu kwa munani twari dufite impungege zo kutabona aho gukorera kandi igihe cyari cyatujyanye bituma duhindura.”

Israel avuga ko agiye kumara amezi abiri atari mu Rwanda, aho muri Nzeri azaba ari gukorera ibitaramo muri Canada naho mu Ukwakira agakorera muri Australia. Ati “Ningaruka tuzahita dufatiraho twitegura iki cyo mu Ukuboza 2022.”

Imyaka itanu yari ishize nta gitaramo cye ateguye dore ko yaherukaga kugitegura tariki ya 10 Ukuboza 2017

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.