Israel Mbonyi yahishyuye igihe azakorera ubukwe

 Israel Mbonyi yahishyuye igihe azakorera ubukwe

Umuramyi umaze kwigarurira imitima y’abanyarwanda ndetse n’abanyamahanga bagize amahirwe yo kumenya ururimi rw’Ikinyarwanda, Israel Mbonyi ubwo yari mu kiganiro kuri Televiziyo y’u Rwanda yatangaje igihe azakorera ubukwe.

Ubwo umunyamakuru yamubazaga igihe ateganya gukorera ubukwe, Israel Mbonyi yamusubije yisekera ndetse anatanga igisubizo gisekeje. Yagize ati:

“Njyewe rwose nzakora ubukwe ari ku wa Gatandatu cyangwa ari ku wa Gatanu.”

Muri iki kiganiro kandi Israel Mbonyi yatangaje byinshi ku buzima bwe aho yavuze ko ari umuntu ukunda gusetsa cyane ndetse anashimangira ko akunda gusoma ibitabo byaba ibya gikristu cyangwa ibisanzwe.

Uyu muramyi wacurangaga gitari anaririmba mu buryo buryoheye amatwi kandi yatangaje ko afite umushinga wo kujya asohora indirimbo nibura imwe buri kwezi ndetse anahishyura ko no muri uyu mwaka bimukundiye yazategura igitaramo cye bwite.

Israel Mbonyi ni umwe mu bahanzi nyarwanda batangiye neza uyu mwaka wa 2022, dore ko aherutse gusohora indirimbo nshya yitwa ‘Umukunzi’ ndetse na album yise ‘Icyambu’.

Related post

Leave a Reply

Your email address will not be published.