Israel Mbonyi yibasiwe n’umunyarwenya Rusine

 Israel Mbonyi yibasiwe n’umunyarwenya Rusine

Nyuma yo kwangirwa kwinjira mu gitaramo cya Gisubizo Ministries, umuramyi Israel Mbonyi akomeje kwibasirwa n’abatari bake ku mbugankoranyambaga.

Bamwe mu bibasiye uyu muhanzi harimo n’umunyarwenya wamenyekanye nka Rusine, wamenyekanye cyane muri filimi y’uruhererekane anyuza ku rubuga rwa YouTube, afatanyije n’uwamenyekanye nka Kibonge, aho bakina bose ari abasinzi.

Uyu munyarwenya yavuze ko Israel Mbonyi kuba yahejejwe ku muryango w’igitaramo adakwiye kubigiraho ikibazo kuko yanahejejwe ku marembo y’ijuru.

Abinyujije ku rukuta rwe rwa Twitter yagize ati:” Uririmba ngo wahejejwe ku marembo y’ijuru nkubuza, hama hamwe rero.”

Ibi yabivuze nyuma y’uko Israel Mbonyi abinyujije ku rukuta rwe rwa Twitter yatangaje ko hari amakuru yumvise ngo umuntu yakubitiwe mu gitaramo. Yagize ati:

“Ariko ngo inkuru yashyushye ngo hari uwakubitiwe mu gitaramo!? Ko bikaze mwampaye amakuru?”.

Ibi byabaye nyuma y’aho Israel Mbonyi yangiwe kwinjira mu gitaramo cya Gisubizo Ministries cyabaye ku cyumweru, tariki ya 10 Nyakanga 2022. Iki gitaramo cyiswe “Worship Legacy season 3” cyanamurikiwemo album ya 3 ya Gisubizo Ministries.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *