Itsinda rya Light Brothers ryasubiyemo indirimbo yo muri Afurika y’epfo yitwa “YESU WENA UNGUMHLOBO”

 Itsinda rya Light Brothers ryasubiyemo indirimbo yo muri Afurika y’epfo yitwa “YESU WENA UNGUMHLOBO”

Itsinda rya Light Brothers rikomeje guhembura imitima ya benshi , ryongeye kuririmba  indi  indirimbo yitwa ” Yesu uri inshuti “ni ndirimbo ivuga ko yesu ari inshuti kandi akaba n’umutabazi  .

Iyi ndirimbo “Yesu uri inshuti” yasubiwemo n’iri tsinda rya Light Brothers niyo muri Afurika y’epfo yitwa “YESU WENA UNGUMHLOBO” iri mu rurimi rw’ikizuru ni ndirimbo yakunzwe cyane na benshi bitewe n’ubwiza bwayo.

Light Brothers ni tsinda rya bavandimwe batatu bafite umwihariko wuko bose ari abanyamuziki kandi bose bakaba barawize nyuma yo kuririmba indirimbo yo mu gitabo yitwa  ” Shimwa Mukiza “, bongeye gukora mu ngazo bajya muri Afurika y’epfo basubiramo iyi indirimbo ivuga ubutwari bwa Yesu ,ni ndirimbo ifite amashusho meza cyane Ikoranye ubuhanga.

Light Brothers ikomeje guhembura imitima ya benshi

Umuyobozi wa Light Brothers, DUSHIME Light Bonkey, yabwiye NKUNDAGOSPEL ko basubiyemo iyi ndirimbo bongera guhumuriza abantu kuko iyi ndirimbo ni sengesho ryasengwa na buri wese muri iki gihe .

Yagize ati ”  iyi ndirimbo twayihinduye mu kinyarwanda kuko ari isengesho twifuzaga ko buri wese yasenga muri iki gihe kigoye, aho ubuzima bukomereye isi yose kubera Covid 19.”

Intego y’iri tsinda nk’uko Bonkey yabidutangirije ati “Dufite gahunda yo kwamamaza inkuru nziza ya Yesu Kristo ko ari umukiza, ukeneye kuruhuka, gukira, umunezero byose yabisanga muri Kristo kandi twifuza ko abantu benshi bakizwa tukazabana mu ijuru”.

Light Brothers ni abavandimwe bavukana, bakuriye mu muryango ikijijwe, dore ko bafite Maman wabo gusa, yabatoje gusenga bakiri bato, bakuriye mu ishuri ry’icyumweru (Sunday school) niho batangiriye kuririmba,  nyuma baza kujya muri korali Hyssop,  ariko hagati aho bagiye kwiga muzika, Enock Shukuru na Israel Papy bize muzika ku Nyundo naho Bonkey we umuziki yawize muri Kigali Music School akomereza muri Crescendo Institute,  ubu bose uko turi 3  n’abaririmbyi kandi abacuranzi,baririmba indirimbo zo guhimbaza Imana.

REBA HANO INDIRIMBO YASUBIWEMO NA LIGHT BROTHERS “YESU URI INSHUTI”

Related post

Leave a Reply

Your email address will not be published.