Itsinda Stella Maris ryo mu Iseminari ya Nkumba ryashyize hanze indirimbo nshya

 Itsinda Stella Maris ryo mu Iseminari ya Nkumba ryashyize hanze indirimbo nshya


Iyi ndirimbo imaze amasaha make igiye hanze, bayise ‘Nakunganya Iki’ aho irata impuhwe za Nyagasani. Ivuga ko Imana ari umubyeyi udufite mu bibasha bwe nk’Umuremyi kandi akaba adatererana abana be kuko iyo bamwiyambaje abatabara kandi akabahoza. Ibyo rero ni byo ikomeza ishingiraho ko Nyagasani akwiye kuratwa no kwamamazwa hose nk’umugenga wa byose.


Mu kiganiro ISHIMWE Boris uyobora iri tsinda yagiranye na Nkundagospel kuri uyu wa 22 Mata uyu mwaka, yagarutse kuri iyi ndirimbo aho yavuze ko Nakunganya Iki ari ndirimbo baririmbye nyuma y’uko umwe mu bapadiri bakorera ubutumwa mu Iseminari Nto ya Nkumba akunze imiririmbire yabo nk’itsinda Stella Maris maze agahitamo kuyibaha ngo bayimuririmbire.

ISHIMWE yanavuze ko nk’itsinda bateganya ibikorwa byinshi imbere harimo n’ibitaramo bigamije kwagura umuziki wabo usingiza Nyagasani. Yasoje avuga ko Itsinda Stella Maris rifite aho rigeze mu gukora umuziki uhimbaza Imana gusa ko bagikeneye gushyigikirwa n’abakunzi babo n’ab’umuziki uhimbaza Imana muri rusange kubashyigikira mu buryo bwose kugira ngo umurimo bakora ubashe kugera kure.

Itsinda Stella Maris rigizwe n’abanyeshuri bize n’abakiga mu Iseminari Nto yitiriwe Mutagatifu Yohani ihererye i Nkumba mu karere ka Burera. Ryashinzwe mu mwaka wa 2015 mu Iseminari nto ya Nkumba, rishingwa na bamwe mu banyeshuri bigaga mu mwaka wa kabiri icyo gihe. Iri tsinda ryashinzwe nta murongo uhamye rifite ariko riza kugenda rikomera dore ko ryatangiriye risubiramo indirimbo z’abandi ariko ubu rikaba rikora rikanashyira hanze indirimbo zaryo bwite aho riherutse no gushyira hanze iyitwa Singizwa.

ISHIMWE Boris ni we uyobora iri tsinda
Indirimbo yabo nshya

Related post

Leave a Reply

Your email address will not be published.