Jado SINZA yaba avuye mu muziki agiye muri Filimi?

 Jado SINZA yaba avuye mu muziki agiye muri Filimi?

Sinzabyibagirwa Jean de Dieu (Jado Sinza), Umuhanzi w’indirimbo zihimbaza Imana wamenyekanye cyane binyuze mu ndirimbo ze zakunzwe zirimo “Ndategereje” “Nabaho”, “Gologota”, “Wagize neza’’, “Ongera Wivuge” ubu yinjiye mu gukina filimi

Uyu muhanzi ukunzwe n’abatari bacye mu ruhando rwa muzika ihimbaza Imana ubu yahisemo kubifatanya no gukina filimi y’uruhererekane yitiriye indirimbo ye “Ndategereje” izatangira kubageraho mu minsi ya vuba ahamya ko ari irindi vugabutumwa agiye gutangira.

bamwe mu bakinnyi bazagaragara muri filimi ndategereje

Jado Sinza, yabwiye NKUNDAGOSPEL ko atagiye kuva mu muziki ahubwo agiye kubihuza nibyo yarasanzwe akora by’umuziki

Yagize ati “ mwabonye ko izina rya filimi yitwa “Ndategereje” rihuye ni ndirimbo yanjye musanzwe muzi,Imana yagiye impa ibintu byinshi birangira impaye uyu muhamagaro. Iyi filimi izaba igamije kwigisha abantu gutegereza Imana,  ikindi nuko hazagenda hacamo indirimbo zitandukanye.”

Yakomeje agira ati “ iyi filimi ishingiye ku muziki hari gihe muzajya mubona twasohoye filimi ariko habanze gusohoka indirimbo izajya iba iri muriyo filimi, ubu imbaraga mukora umuziki zigiye kwiyongera niyo mpamvu ngiye kubihuza n’umuziki nari nsanzwe nkora.

Iyi filimi izaba ari uruhererekane (Episode) izajya iba igizwe n’iminota hagati ya 15 na 20 izajya iba irimo inyigisho nyinshi zitandukanye cyane cyane kuba kirisitu, gusa sibo yagenewe gusa kuko buri wese azagira aho yisanga.

ku wa 5 Ugushyingo 2017 nibwo yamuritse album ye ya mbere y’amajwi yise “Nabaho” ntago byahereyaho gusa kuko ku wa 24 Ugushyingo 2019 yahakoreye igitaramo gikomeye yise “True Light Live Concert Gisozi kuri Dove Hotel. hanafatiwemo amashusho y’indirimbo “Ndategereje” yitiriwe iyi filimi.

REBA AGACE GATO KAZABA KAGIZE IYI FILIMI ‘NDATEGEREJE’

Related post

1 Comment

  • Iyi film ni nziza cyane kuko nkurikije ibyo nasomye ufite umwihariko, ubundi byari byaratinze ko haboneka film iri musical kd nabonye harimo abasore dusanzwe tuzi ko ari abanyamuziki mwiza kd uhimbaza Imana. So, Imana ihe umugisha Jado kuko yagize iyerekwa rikomeye kd ryiza.

Leave a Reply

Your email address will not be published. Required fields are marked *