John Hope Singleton yasohoye indirimbo nshya yitwa ‘Ubugingo Buhoraho’

 John Hope Singleton yasohoye indirimbo nshya yitwa ‘Ubugingo Buhoraho’

Umuramyi n’umucuranzi John Hope Singleton uba muri Leta Zunze Ubumwe za Amerika yashyize hanze indirimbo yise ‘Ubugingo Buhoraho’, aho atangaza ko igitekerezo cyo kuyikora cyaje nyuma yo kumenya ko nubwo afite ubumuga bwo kutabona ariko nagera mu ijuru amaso ye azahumuka akareba Yesu.

Mu kiganiro yagiranye na Nkunda Gospel yagize ati:

“Igitekerezo cyo gukora iyi ndirimbo cyaje ubwo nari ndi mu masengesho maze njya kuri piano ndacuranga ntangira kumva nejejwe n’ijuru, nejejwe n’ibyiringiro dufite by’uko tuzajya mu ijuru.” Yakomeje ati:

“Nakomeje gutekereza uko mu ijuru bizaba bimeze nibuka ko nubwo ntareba ariko nkomeze gutekereza ko ningera mu ijuru nzareba Yesu amaso ku maso.”

Singleton yakomeje avuga ko no kubwirwa n’abantu bakomeye mu muziki nka The Ben byarushijeho kumwubakamo icyizere.

Nyuma yo gushyira hanze indirimbo zinyuranye zirimo Rukundo, Akagezi na Iyo Utegetse, kuri ubu yashyize hanze iyo yise ‘Ubugingo Buhoraho’ ifite ubutumwa bw’umwihariko.

John Hope Singleton ni umuramyi wabitangiye akiri umwana muto, dore ok yatangiye gutoza amakorali afite imyaka 13. Kugeza ubu amaze gukora indirimbo zigera kuri 6.

Related post

Leave a Reply

Your email address will not be published. Required fields are marked *